Even during the times of the civil unrest between A/Y (AUN) and Jama Ali Jama or the Islamic Courts Union, Puntland leaders didn't require the secuity that farole does.
Who is he protecting himself against or trying to intimidate?
http://horseedmedia.net/2012/11/07/mada ... da-bosaso/
Madaxweynaha Puntland oo safar ugu baxaaya magaalada Bosaso?
Wararka ka imaanaya magaalada Qardho ayaa sheegaya in ay halkaas galabnimadii maanta (Talaado) ay soo gaareen afar gaari oo ah nooca qoryuhu ku xiran yihiin, kuwaas oo ka yimid dhanka magaalada Garowe, isla markaana ka tirsan ciidanka Madaxtooyada. Wararku waxay sheegayaann in ciidankan ay horgal iyo hordhac u yihiin madaxweynaha Puntland Cabdiraxmaan Maxamed Faroole oo maalinta berri ah ku beegan magaalada Qardho isla markaana la sheegay in uu kuwajahan yahay magaalada dekadda ah ee Bosaso.
Wararka Horseed media heleyso ayaa tibaaxaya in madaxweynaha ay la socdaan ciidamo gaaraya 400 oo askeri, kuwaas oo la geyn doono, Garoonka diyaaradaha ee Bosaso, Dekadda iyo Goobaha magaalada laga galo si loo kantroolo ilaha dhaqaalaha isla amrkaana loola socdo dhaq-dhaqaqa diidan muddo kororsiga madaxweynaha Puntland.
Mar aan isku-dayney in aan warkaan ka xaqiijino ilo ku dhaw Madaxtooyada Garowe ayey sheegeen in uu jiro dhaq-dhaqaaq laakiin aysan caddeyn karin goorta iyo goobta uu ku wajahan yahay.
Arrintan ayaa soo baxaysa iyada oo maanta shir-saxafadeed uu qabtey raysalwasaarihii hore ee Soomaaliya Dr.Cabdiweli Cali Gaas isla markaana ah mudane ka tirsan baarlamaanka federaalka, waxaana uu ka hadley wixii uu Puntland ku arkey safarkii uu ku marey gobolo, degmooyinn iyo tuulooyin Puntland ka tirsan. Dr.Cabdiweli ayaa sheegay in xaaladda Puntland ee siyaasadeed ay tahay mid xasaasi ah, dadkuna ay aad uga cabanayaan maamulkii ay doorteen iyaga oo ku eedaynaya, caburin, saxaafadda oo loo hanjabo, cagajugleyn iyo in xoriyadoodi laga qaado, sidoo kale waxa uu sheegay in dadku ka soo horjeedaan in maamulku mudada dheeraysto waxaana uu maamulka ugu baaqey in ay ka soo abxaan ballantioi iyo dhaartii dadkana u adeegaan mudadii loo igmadey maamulkooda, isla amrkaana aysan dhantaalin midnimada Puntland.
Sidoo kale ciidamadan madaxweynuhu u kaxaysanayo safarkiisa haddii ay dhacdo maalmaha soo socda ayaa ku soo aadaya xili warar sheegayaan in Madaxtooyada Garoowe dooneyso in ay ilaaliso cidda ka soo degaysa garoomada Gaalkacyo iyo Bosaso isla markaana dooneysa in ay dalka u diido in ay soo galaan siyaasiyiin hore kuwaas oo doonaya in ay u tartamaan xilka Madaxweynaha ee Puntland.
Horseed Media
News Desk
