Wuxuu sheegay Suldaankaan Hawiye inaysan u dhamayn dadka daga deegaanada Jubooyinka qaabka maamulka loo samaynayo, wuxuna xusay niman gaara inay gacanta ku dhigeen awoodii Maamulka isla markaasina ay hadba dhankii ay rabaan wax u dhigayaan, arintaasi oo uu guul daro ku tilmaamay.
Suldaanka ayaa sheegay Kooxaha Raaskambooni inay yihiin Jabhada kusoo duushay deeganadaasi isla markaasina aysan ahayn rag ay ka go’do talada deegaanada ay xoogga ku haystaan waa sida uu hadalka u dhigay Suldaan Hilowle.
Hadalkani kasoo yeeray Gudoomiye ku xigeenka odayaasha dhaqanka Beelaha Hawiye ayaa imaanaya xili dhawaan la filaya inuu Magaalada Kismaayo ka furmo Shir la sheegay in Maamulka loogu samaynayay deegaanada Jubooyinka.
