Wiil Dhalinyaro Ah Oo Biriijka Hargeysa Iskaga Soo Tuuray
Wiil Dhalinyaro Ah Oo Biriijka Hargeysa Iskaga Soo Tuuray Sheegayna inuu Cadhooday Hanaanka Maamul Xumo ee Xukuumada Siilaanyo
Wiilkan oo magaciisa ku sheegay Caydaruus Maxamed Askar ayaa ilaa hadda sababta uu biriijka iskaga tuuray
Hargeysa (GNS)-Wiil dhalinyaro ah ayaa Saaka Subaxdii hore iska Soo Tuuray Biriijka labaad ee caasimada Hargeysa, wiilkan oo ay Dhaawacyo Fudud ka soo gaadheen jidhka ayaa la Dhigay Cusbitaalka
Wiilkan oo magaciisa ku sheegay Caydaruus Maxamed Askar ayaa ilaa hadda sababta uu biriijka iskaga tuuray isla-markaana naftiisa dhibta u gaadhsiiyay ayaa wakhtigii uu biriijka iska tuuray ay naftiisu khatar gashay ka dib markii uu dhulka ugu dhacay si daran.
Wiilkan oo markii dhulka ku dhacay ka dib si dirqi ah u kacay ayaa warbaahintu waydiisay sababta ku kaliftay ee uu sidan u yeelay ayaa sheegay inuu ka cadhooday hanaanka xukuumadda Madaxwayne Axmed Siilaanyo dalka iyo dadka u hagayso, taasina ku kaliftay inuu muujiyo inuu ka soo horjeedo.
Dadkii halkaasi joogay ayaa aad ula yaabay falkan wiilkani ku kacay, iyagga oo la boobay su’aalo badan oo ay doonayeen inay ku ogaadaan dhibaatada haysata si ay uga caawiyaan ama ay u ogaadaan oo kaliya.
Wiilkan ayaa la filayaa in sababta uu iskaga soo tuuray biriijku ahayd inuu sameeyo fal uu ku muujiyo dhibaatada dalka ka jirta ee dhinacyada nolosha, iyadda oo ay jirto in qoysaska qaarkood dhibaato ka haysato quutal daruurigii ay ku noolaan lahaayeen, iyadda oo xukuumadda Madaxwayne Axmed Siilaanyo oo laga filayey inay nolosha dadka wax ka badasho oo ay shaqo abuur badan hirgaliso ay umadda ku mashquulisay waxyaabo aan muhiim ahayn oo ay ka mid yihiin wada hadalada Soomaliya oo bulshada dood ka dhex abuuray iyo waliba ururada siyaasada oo dalka culays dheeraad ah ku haya.
