Labada ruux ayaa ka mid ahaa lix ruux oo dhowaan maxkamada ku riday dil toogasho ah, kuwaasoo lala xiriirinayay dilkii Sheekh C/qaadir iyo dad kale oo ka dhacay Garowe, iyadoo maanta lagu toogtay labada ruux duleedka waqooyi ee Garowe.
Saxaafada ayaa loo diiday inay ka qeyb gasho goobta xukunka ka dhacay, iyadoo aanay jirin wax war ah oo ka soo baxay Maamulka Puntland oo ku aadan dilka labada ruux ee maanta lagu toogtay duleedka Garowe.
Dhowaan ayay aheyd markii duleedka magaalada Boosaaso lagu toogtay ilaa 11 ruux oo lagu soo eedeeyay dilal ka dhacay deegaanada Puntland iyo inay ka dambeeyeen dilkii Sheekh Caan ahaa oo labo sano ka hor lagu dilay magaalada Boosaaso.
Maamulka Puntland ayaa horay u sheegay inay dil ku xukuman yihiin shaqsiyaadka ka dambeeya falalka dilalka ee ka dhacaya deegaanada Puntland, iyadoo Maxkamada darajada koowaad ay dil ku xukuntay rag uu ku jiro Amiirka Al-Shabaab Abuu Zubeyr.
The weak central govt should look at how Puntland deals with terrorists.
