Jaaliyada Dowlad deegaanka Soomaalida Ethiopia ee Puntland oo xusay maalinta Qawmiyadaha iyo Shucuubta Ehtiopia.
Munaasabad balaaran oo lagu xusayay xuska 8-aad ee maalinta Qawmiyadaha iyo Shucuubta dowlada Federaalka Ehiopia ayaa ka dhacday magaalada Bosaso ee Puntland markii ugu horaysay Taariikhda.
Dumar,aqoonyahan,waxgarad,dhalinyaro,masuuliyiin ka tirsan dowlada Puntland iyo dadweyne kale ayaa kala qayb galay Munaasabada Jaaliyadaha Midnimada Bulshada Soomaalida Ehiopia ee Puntland.
Halkudhigyo lagu waynaynayay Munaasabada iyo calanka dowlad deegaanka Soomaalida Ethiopia ayaa ka muuqday goobta ay Munaasabadu ka dhacday.
Goobta ayaa lagu soo bandhigay Cayaaraha Hidaha iyo dhaqanka ee caanka ay ku yihiin dadweynaha dowlad deegaanka Ethiopia.
Xoghayaha iyo Guddoomiyaha Jaaliyadaha Midnimada Bulshada Soomaalida Ehiopia ee Puntland Maxamed Cabdinaasir Macalin Siraad iyo Cabdixakiin Maxamed Ibraahim oo ka hadlay Munaasabada ayaa sheegay in dadweynaha ku nool dowlada Federaalka Ethiopia ay aad ugu wayn tahay maalintan oo ah maalintii ay Midoobeen dhamaan Qawmiyadaha Federaalka Ethiopia.
Gabagaba Munaasabada ayaa Jaaliyaduhu ay soo saareen baaq ay saldhig u ahayd;
1-In si wayn ay u taageersan yihiin hormarka ka soconaya maamulka Suubaan ee dowlad deegaanka Soomaalida Ethiopia.
2-In Jaaliyadaha DDSI ay dowladaha Puntland iyo DDSI ay ka caawiyaan dib u dajinta Jaaliyadaha ku nool Puntland.
3-iyo in laga gacan siiyo deeqaha Waxbarashada .
Waxaa xusid mudan in Munaasabada ka socota Jigjiga ay ka qayb galayaan Madaxweynaha dowlada Puntland Dr Cabdiraxmaan Sheekh Maxamed Maxamuud ‘’Farole’’.
Sin kastaba ha ahate Munaasaada ka dhacday Bosaso ayaa muujinaysa in Dadweynaha Puntland iyo dadweynaha dowlad deegaanka Soomaalida Ethiopia ay yihiin walaalo isjecel oo aan kala maarmin.
Sawirada hoos ka daawo
http://puntlandi.com/sawiro-jaaliyada-d ... -ehtiopia/
