Siyaasiyiintaasi waxaa hor-kacaya Maxamuud Sayid Aadan oo sheegay in ay qaabileen waxgaradka iyo siyaasiyiinta ku shirsan magaalada Baydhabo oo wada ololaha maamulka loogu sameynayo goballada Koonfur Galbeed Soomaaliya.
Waxaa wararka la helayo ay sheegayaan in Maxamuud Sayid Aadan iyo siyaasiyiinta kale loo balan qaaday xilal waa weyn sidaa darteedna ay ka soo qeyb galaan gogosha taala magalada Baydhabo ee maamulka loogu yigyeelayo gobollo ay ka mid yihiin Jubbooyinka iyo Gedo
Warar hoose iyo ilo lagu kalsoon yahay oo la hadlay Wakaaladda Wararka ee Warqaad waxa ay sheegeen in arrintan ay timid kadib markii ay ka gadoodeen maamulka laga dhisay Kismaayo ee uu hoggaamiye ka yahay Sheekh Axmed Madoobe.
Ilaha aynu la hadalnay waxay xaqiijiyeen sidoo kale in Gobalka Gedo masuuliyiinteeda ay la safteen sidaa darteedna ay ka guul gaarayaan howsha iminka ka socoto Baydhabo.
Waxaa la isweydiinayaa sida ay dowladda Soomaaliya u xalin doonto isqab-qabsi soo shaac bixi doona marka uu dhammaado maamulka la doonayo in laga dhiso magaalada Baydhabo kaasoo dad badan ay u arkaan inuu yahay mid fowdo iyo qas abuur ah, halka dad u badan Digil iyo Mirifle ay aad u taageersan yihiin.
Maamulka KMG ee Jubba ayaa ka taliya Jubbooyinka iyo Gedo sida dowladda ay ka warqabto waxaana laga war sugayaa sida ay u xalin doonto siqab=-qabsiga dhanka dhulka ah oo soo shaac baxaya marka ay dhamaato howsha ka soconayso magaalada Baydbabo ee xarunta gobalka Bay.
you know you don`t believe in this nonsense.
