Tigres & P/Land Militia Flee From Villa Somalia!

[Koronto91]

Warar lagu kalsoon yahay ayaa sheegaya in kadib dagaal ba'an oo ka socday agagaarka Xamar-Bila ay kooxaha kacdoonka u suurto gashay iney si aad ah ugu dhowaadaan xarunta Villa Soomaaliya wararka ayaa sheegaya in dalabyo badan oo ay gudbiyeen saraakiisha Ugandheeska oo ay ka codsadeen kooxaha kacdoonka iney xabadda joojinyaan si ku meel gaar ah, balse laga diiday.

Warar isa soo taraya ayaa iyaguna sheegaya in Saraakiisha Itoobiyaanku iyo kuwa Ugandheeska ay kula taliyeen Col. C/laahi Yuusuf ineysan ka difaaci karin weerarada kooxaha kacdoonka isla markaasna ay ciidamadooda oo dhan u wareejinayaan dekada iyo garoonka diyaaradaha magaalada inteeda kalana ay isaga baxayaan. Ciidamada Itoobiya ayaa ka dalbaday ciidamada Mareykanka ee ku sugan xeebaha Soomaaliya iney gurmad u soo fidiyaan si loo badbaadiyo ciidamadooda haddii ay u baahdaan. Sidoo kale waxey ka codsadeen odayaasha iyo aqoonyahanka beelaha Hawiye in ciidamadooda la badbaadiyo gaar ahaan kuwa go-doonsan kadib markii dalabyo iyo fariimo hoose oo shalay iyo maantaba ay soo direen saraakiisha Itoobiya iyo kuwa Ugandheeskaba laga diiday, iyadoo loo sheegay in aan heshiis la la gaari karin Saraakiishaasi. Dhacdooyinkaan ugu dambeeyay ee dagaalada ayaa lasoo sheegaya inay ku qasbeen Col. C/laahi Yuusuf inuu qaato go-aan ah in saacadaha soo socda uu ka baxo magaalada Muqdisho, iyadoo warar aan la hubin ay sheegayaan in dhinaca dekeda doon looga diyaariyay heegana looga dhigay isla markaasna la saari doono si loo geeyo magaalada Marka ama Kismaayo. Wararka kale ayaa sheegaya in ciidamo Ethiopian ah iyo maleeshiyaadka Puntland la geeyay degmada Afgooye halkaasoo ay ilaalo xoogan ka hayaan buundada iyo magaaladaba, si ugu baxsadaan haddii xaaladu ku adkaato. Wixii warar ah ee ku soo kordha kala socda wararkeena dambe.

http://wadanka.com/index.php?name=News& ... e&sid=1453