Ciidamo Itoobiyaan ah oo cusub

[qadafi83]

Ciidamo Itoobiyaan ah oo cusub oo weli Muqdisho ku soo qul-qulaya

April 1, 2007 Markacadeey




Weli waxaa ku soo qul-qulaya magaalada Muqdisho ciidamo aad u faro badan oo ay leedahay dowlada federaalka Itoobiya, kuwaasi oo ka imaanaya dalka Itoobiya.

Ilaa 40 gaari kuwa dagaalka ah oo ay saran yihiin ciidamo Itoobiyaan ah oo aad u faro badan ayaa xalay ka soo gudbey degmada Afgooye, kuwaasi oo soo galay magaalada Muqdisho.

Ciidamadan ayaa inta aysan soo gelin magaalada Muqdisho xalay ku hakadey deegaanka Carbiska, iyada oo ka hor ay magaalada shalay gelinkii dambe iyo maqribnimadii shalay ay soo galeen magaalada ciidamo aad u faro badan.

Warar laga helayo magaalada Baydhabo oo ah xarunta gobolka Baay ayaa sheegaya in ciidamadii dowlada Itoobiya ee ku sugnaa halkaasi ay Muqdisho soo wada aadeen, iyada oo kuwa kale oo ka yimid dalka Itoobiya ay halkaasi soo buuxiyeen.

Dhinaca kale, ciidamo Itoobiyaan ah oo aad u faro badan ayaa fariin ka sameystay deegaanka Kala beyr, iyada oo ciidamadaasina la sheegay in ay koontarooli doonaan dhaq-dhaqaaqyada ka jira gobolada dhexe.


Maxamed Cali Madka
Xafiiska Markacadeey Muqdisho

[COSTA]

I see more mooryaan blood