Goerge bush next budget is included the war on terror in Som

[COSTA]

http://www.horseednet.com/horseednet.php?id=5920


George Bush oo Miisaaniyada Sanadkan ku daray Lacag dheeraad ah oo ku socota Somaliya
Last Updated::2007-02-15 14:16:58

TopStoryWashington DC:- Madaxweynaha Maraykanka George W Bush ayaa miisaaniyada Difaaca Maraykanka sanadkan ku daray dalka Soomaaliya.

Miisaaniyadan ayaa ah mida uu Maamulka Maraykanka ku magacaabay "Difaaca dalka Maraykanka".

Waxana ku xusan dhamaan kharashyada iyo dhaqaalaha la rabo in lagu bixiyo la dagaalanka waxa loogu yeero argagaxisada.

Sidoo kale Miisaaniyadan ayaa ku jirta dhinaca caawinida dalalka gacanta kasiiya Maraykanka siyaasadiisa caalamiga ah.

Bush ayaa sanadkan si gaar ah ugu daray miisaaniyada dalka Soomaaliya oo kamid ah dalalka sida gaarka ah loogu magacaabay.

Miisaaniyadan ayaa marka la isku geeyo dhan $784 Bilyan oo Dollarka Maraykanka ah.

Dalka Soomaaliya ayaa kaligiis loo qoondeeyey $40 Million oo dollar, lacagtan ayuu maamulka Bush sheegay in lagu taakuleyn doono ciidamada la geyn doono dalka Soomaaliya, gaar ahaan kuwa Midowga Afrika.

Lacagtan ayaa lagu sheegay qoraalka Dowlada Maraykanka in $20 million ay tahay taakulo militari, halka $20 milliona ay tahay dhinaca gargaarka.

Waxaa sidoo kale kamid ah dalalka loo qoondeeyey miisaaniyadan:

Kosovo: $279 million
Sudan: $362 million
UN: $770 million ( lacagtan ayaa la filayaa in qeyb kamid ah ay kasoo gaarto Somaliya, maadaama uu Maamulka Bush sheegay in lacagtaasi ay siinayaan Qaramada Midoobay si loogu xoojiyo hawlaha Amni sugida ah iyo nabad illaalinta.)

Lacagta inta kale ayaa ah kuwo loo qoondeeyey hawlagalada uu Maraykanka ka wado dalalka Ciraaq, iyo Afghaanistaan.

Lacagtaasi ayaa waxaa ayaduna ku jirta kharashka loo qoondeeyey hay'adaha Amniga ee ka shaqeeya gudaha dalka Maraykanka.

Maraykanka ayaa sidoo kale kharash boqolaal million- ah u qoondeeyey dhismaha Xarun weyn oo militari oo uu ka dhisan Doono Qaarada Afrika.

Osman Cabdullahi
HorseedNet.com


Maraykanka oo Xarun Weyn oo Militari ka sameysanaya Qaarada Afrika


Washington DC:- Madaxweynaha Maraykanka George Bush ayaa qalinka ku duugay ansixinta Qorshe lagu sameenayo Xarun weyn oo militari oo uu Maraykanka ku yeesho Afrika.

Qorshahan ayaa waxaa soo bandhigay Wasiirka cusub ee Difaaca ee dalka Maraykanka Mr.Robert Gates.

George Bush ayaa doraad oo Isniin ahayd soo bandhigay miisaaniyada uu ku bixin doono Ciidamada Maraykanka. Miisaaniyadaasi oo uu ku daray qorshahan Xarunta weyn uu Maraykanka ka sameenayo Qaarada Afrika.

Madaxweyne Bush ayaa markii u ansixiyey qorshahan saxaafada u sheegay inuu qeyb ka yahay balaarinta difaaca dalka Maraykanka xag dhaqaale iyo xag militari.


Senator.John Warner iyo Senator Carl Levin oo kamid ah Guddiga Golaha Senateka ee arrimaha Militariga


Sentaro John McCain iyo Senator Hillary Clinton oo kamid ah Guddiga Militariga

Robert Gates Wasiirka Difaaca ee Maraykanka oo shalay warbixin usoo bandhigay Golaha Senateka guddigiisa u qaabilsan Militariga ayaa sheegay in qorshaha cusub ee Maraykanka la dhameystiri doono sanadka soo socda.


Wasiirka difaaca Mr.Gates (Midig) iyo Taliyaha Ciidamada Gen. Peter Pace (Bidix) oo salaamaya Guddoomiyaha Gudiga Militariga ee Senateka Carl Levin (dhexda)

Mr.Gates ayaa sheegay in Madaxweynaha Maraykanka ku amray Wasaarada Difaaca in la dar dar geliyo qorshaha African command (AFRICOM) oo la hirgelin doono sanadka 2008.

Robert Gates ayaa sheegay in qorshahan uu bedalayo siyaasadii duqowday ee Maraykanka uu ka ciyaari jiray qaarada Afrika, asagoo sheegay in tan iyo intii uu dhamaaday dagaalkii Qaboobaa in Maraykanka uusan waxna ka bedalin barnaamijkiisa militari ee Maraykanka.

Xarunta Cusub

Illaa iyo hada lama shaacin goobta laga dhigi doono Xarunta cusub ee Maraykanka uu ka sameyn doono Afrika.

Ciidamada Maraykanka ayaa hada xarun ku leh dalka Jabuuti ee Bariga Afrika, ciidamadaasi oo loogu magac daray la dagaalanka Argagaxisada.

Taakuleynta Dowladaha

Wasiirka Difaaca Mr.Robert Gates ayaa sheegay in Madaxweynaha Maraykanka uu qorshahan kala tashan doono Hogaamiyaasha Afrika.



[...xaruntan ma noqon doonto mid heegan u ah la dagaalanka wadan Afrikaan ah, maadaama ay wadama Afrika khatar ku ahayn Maraykanka....] ayuu yiri Robert Gates oo la hadlayey Xildhibaanada Golaha Senateka.

Wuxuuna intaasi ku daray [...Xaruntan waxay noqon doontaa meel lagu bixiyo tababaro iyo taakuleyn loo fidinayo Dowladaha Afrikaanka ah...]

Siyaasiyiinta Maraykanka ayaa in muddo ah hadal hayey in wax laga bedalo siyaasada Maraykanka ee ku aadan Afrika, Waxayna sheegeen in Maraykanka uu ka gaabiyey tartanka caalamiga ah ee loogu jiro Afrika.

Maraykanka ayaa shidaalka uu isticmaalo 10% looga diraa Qaarada Afrika.

Maraykanka ayaa qorshahan cusub soo saaray xili uu dalka China tartan weyn ugu jiro shidaalka Afrika.

Somaliya iyo Khatarteeda

Wasiirka Difaaca ee Maraykanka ayaa sheegay in dalalka Afrika aysan ahayan kuwo cabsi laga qabo dhinaca dagaalada, balse wuxuu sheegay in loo baahan yahay khatarta ka imaan karta Wadamada burburay sida Somaliya, ayuu yiri Mr.Gates.

Dhaq dhaqaaqa kooxaha Islaamiyiinta ah oo kusoo badana Afrika waa mid loo baahan yahay in si farsameysan looga hortago ayuu sheegay Wasiirka Difaaca Maraykanka.

Xaruntan cusub ayaa noqon doonta mid si guud u hogaamisa dhamaan dhaq dhaqaaqa militari ee Maraykanka ee Qaarada Afrika.

Dhinaca kale Xoghaynta wasaarada Arrimaha dibada ee Qaabilsan arrimaha Afrika oo ayaduna ka hadashay madashii Golaha Senateka ayaa sheegtay in Maraykanka uu wado olole uu ku raadjoogo kooxo argagaxiso ah oo ku dhuumaaleysanaya dalka Soomaaliya.