BREAKING NEWS WAR STARTS IN MUQDHISO

[Hiiraan boy]

Israsaaseyn iyo Tacshiirad xoogan Oo Ka Socota Degaano Ka Tirsan Magaalada Muqdisho
Apr 10,2007
by Muqdisho-GEDO-NN
Israsaaseyn xoogan oo la isku adeegsaday hubka madaafiicda ayaa mar kale dib uga qarxay qeybo ka mid ah degaanadii ay maalmahii dhoweyd ay dagalaadu ka dhaceen ee magaalada Muqdisho. Degaanada ay rasaasta madaafiicda si weyn looga maqlayo ayaa waxaa ka mid ah xaafadaha u dhow dhow Xarunta Xisbiga iyo Istaadiyo Muqdisho ee marta wadada Jeneral Daaud iyo xaafadda Xamar Bile.

Sawaxanka madaafiicda oo ayaamahan ay magaalada Muqdisho ka raysatay ayaa caawa siweyn looga maqlayaa, iyada oo ilaa iyo hadda aan la xaqiijin karin khasaaraha ay dagaaladani cusub ay caawa geysteen.

Israsaaseyntaan caawa ka bilaabtay magaalada Muqdisho ayaa la ogeyn inay istaagi doonto iyo in kale, inakasta oo ay jireen wadohadallo la sheegay inay labada dhinac u socdeen oo la doonayo in lagu soo afjaro xiisadaha ka taagan magaalada Muqdisho. Dagaaladan cusub oo caawa ka dilaacay magaalada Muqdisho ayaa laga yabaa inay sii adkayeen in la soo afjaro colaadaha ka aloosan magaalada Muqdisho. Shacab badan oo ku noolaa magaalada Muqdisho ayaa intooda badan ka baxay magaalada iyaga oo u kale qaxay gobollada dalka Soomaliya, gaar ahaanna gobollada u dhow dhow gobalka Banaadir.


M A C-GEDO-NN-Muqdisho