Diyaaradihii Mareykanka Oo Magaalooyin Somaliland Ah U Waree

[Hiiraan boy]

Diyaaradihii Mareykanka Oo Magaalooyin Somaliland Ah U Wareegay....

Wararka naga soo gaaraya magaalooyinka Burco iyo Sheekh ee Gobolka Togdheer ayaa sheegaya in habeenkii xalay ahaa degaanada u dhaxeeya magaalooyinkaasi lagu arkay diyaaradaha sahanka ee P-8 Orion iyo kuwa dagaalka ee AC-130 kuwaasoo ku socday joog dhexe...

Diyaaradahaan dagaalka Mareykanka ayaa sanooyinkii ugu dambeeyay waxey caadi u noqdeen guuxooda dadka ku nool magaalada Muqdisho iyo degaano ka tirsan Gobolada dhexe iyo kuwa Koonfurta, gaar ahaan xiliyadii ugu dambeysay ee maamulka Konfurta iyo Gobolada dhexe ay gacanta ku hayeen Maxakamadaha Islaamka. Ilaa hadda lama yaqaano sababaha ay Gobolada waqooyiga Soomaaliya ku tageen Diyaaradaha Mareykanku, inkastoo warar aan la xaqiijin ay sheegayaan in dowladaha Mareykanka iyo Ethiopia ay xuuransi aan runta ku fadhin oo ka yimid maamulada Imbagathi iyo Puntland loogu sheegay in qaar ka mid ah Madaxdii Maxkamadaha ay ku sugan yihiin degaano ka tirsan Gobolka Togdheer ee Maamulka Somaliland. Diyaaradahaan ayaa goob joogayaal ay sheegeen iney markii ugu horeysay ay dul heehaabeen hawada Gobolka Togdheer, mana jiraan ilaa iyo hada wax xog ah oo ay ka heleen halkaas.