ciidamada DF oo isbaarooyin dhigtay

[Hiiraan boy]

03 July 07 (Xogta.com) - Waxaa magaalada Muqdisho dib uga soo cus boonaaday isbaarooyinkii hore u yiilay oo ay dhigan jireen kooxaha tuugada ah oo lacago baad ah looga qaadayo gawaarida BL- ka ah.

Isbaarooyinkaan gaadiidka xooga lacaga leejaa loogu qaadanayo ayaa waxaa dhiganaya ciidamo ka tirsan booliska DF Somalia.

Meelaha ugu daran ee jidgooyada la dhigay maanta ayaa waxaa kamid ah jidka Wadnaha ilaa iyo KM4 iyo wadada Faloronsa.

Gawaarida isaga kala gooshta waddooyinka Muqdsiho ayaana arrintaan cabasho kamuujinayo iyagoo sheegay in ay bixiyaan lacago ay siiyaan maamulka gobalka Banaadir oo Boono ujara, isla markaana ciidamada DF ay ka qaadaan lacago baad ah aysan suurta galeynin.

Maxamed Madaxeey oo kamid ah darawalada gaadiidka BL-ka Muqdisho ka shaqeeya ayaa shabakada Xogta.com u sheegay in y ciidamadu ka qaadaan lacago gaaraya 3,000 Shilin Soomaaliya hadii ay diidaana loogu handado in la rasaasaynayo.

Ilaa iyo hada wax war ah kama soo bixin maamulka gobalka Banaadir oo ku aadan sida laga yeelayo kooxahan ka tirsan ciidamada dowlada Somalia oo dhaca kawada magaalada Muqdisho oo ay joogto D F Somalia.

Shalay ayay aheyd markii ciidamada booliska DF ay dhac xoogan u geysteen dadweyne ku sugnaa agagaarka Suuqa Bakaaraha kuwaaso ay ka qaateen lacago iyo telefoonada gacmaha lagu qaato.

Maxamed Xasan Alfaatix
Xogta.com
Muqdisho