..Weeraro hoobiyeyaal ah oo caawa lagu qaaday fariisinka ciidamada Ethiopia ee degmada Heliwaa
Click here to find Shabelle news English
Shabelle airs news in English
Mogadishu 13, August 07 ( Sh.M.Network) Weeraro hoobiyeyaal ah ayaa goordhaweyd lagu qaaday Agagaarka warshadii hore ee baastada iyo dhismihii Xeyle Bariise ee degmada heliwaa oo fariisin u ah ciidamada Ethiopia.
Ilaa 10 qarax oo hoobiyeyaal ah ayaa laga maqlay halkaasi, iyadoo wali aan la ogeyn in hoobieyeyaashaasi ay ku dhaceen xarumaha warshadii hore ee Baastada iyo dhismaha Xeyle bariise oo fariisin u ah ciidamada dowladda Ethiopia.
Lama soo sheegin wali wax jawaab ah oo ciidamada Ethiopia ay ka bixiyeen weeraradaasi hoobiye oo lagu qaaday, iyadoo walina ay dhacayaan madaafiicda.
Lama oga wali kooxaha ka dambeeya weerarkaan Hoobiye oo bilowday 9:20 Om walina soconaya.
" Waxaanu maqleynaa qaraxyo u eg hoobiyeyaal la beegsanayo meelo ku dhow dhow warshadii Hore ee Baastada" ayuu yiri Anwar Axmed oo ka mid ah dadka deegaanka oo Shabelle kala soo xiriirey halkaasi.
Waa weerarkii 3aad oo caawa ka dhaca magaalada Muqdisho, iyadoo caawa fiidkii weeraro bambaano lagu qaaday xarunta degmada Shibbis iyo saldhigga degmada Hodon ee magaalada Muqdisho.
Arimahaan ayaa waxa ay ku soo beegmayaan xilli maanta labaatan ruux oo labo ka mid ah ay yihiin ciidamada dowladda ay ku geeriyootay qaraxyo iyo tacshiirado kala duwan oo ka dhacay magaalada Muqdisho.