'THE SL GOVT. SHOULD TAKE GOOD CARE OF REER SOOL"

[Somalistan]

SAID BY FAYSAL CALI WARABE.

Gudoomiyaha UCID Oo Ugu Baaqay Xukuummada,Axsaabtu inay Guddi heer Qaran ah ay Sameeyaan oo Wacyagelin iyo Caawimo La Gaadhaan dadka Laascaanood.

--------------------------------------------------------------------------------



(Faysal Cali Waraabe )
hadhwanaag 2007-10-15 (Hadhwanaagnews) Hargeysa(HWN):- Xisbiga Mucaarid ah ee UCID ayaa ugu baaqay Xukuummada inay gar-gaar degdega iyo kala danbeyntii sharciga la gaadho dadweynaha ku nool Gudaha Magaalada Laas-caanood ee Gobolka Sool, iyada oo la adeegsanayo dadka deegaankaas u dhashay.Isla markaana waxa ay hanbalyo u direen Ciidamada Geesiyada ee Somaliland Jiida hore ee gacanta ka siiyey inay reer laas-caanood iska xoreeyaan Maleeshiyada Majeerteeniya ee dulmiga meesha ku haysatay.

Sida waxa lagu sheegay Warsaxafadeed uu galabta soo saaray Gudoomiyaha Xisbiga Mucaarid ah ee UCID Eng. Faysal Cali Waraabe oo nuqul ka mid ahi soo gaadhayXafiiska shabakada Wararka ee Hadhwanaagnews.com ee Magaalada Hargeysa.

Waxa kale oo uu Gudoomiyuhu Warsaxafadeedkiisa ugu baaqay Xukuumada Madaxweyne Rayaale, Xisbiyada Qaranka inay sameeyaan abaabul iyo gudi qaran oo taakuleynayd.

Waxaanu u dhignaa sidan:

“Xisbiga Cadaalada iyo Daryeelka (UCID) wuxuu taageero buuxda siinayaa shacbiga reer laascaanood ee ka gigishay dulmigii ay ku hayeen ciidamada ka amar qaata maamulka Cabdilaahi Yusuf iyo Mileeshyada Majarteenaya isla markaas waxaan hambalyo u diraynaa geesiyada ciidanka Qaranka Somaliland ee gacanta ka siiyay Reer laascaanood si ay iskaga xureeyaan cadadiskii iyo dulmigii ay ku hayeen mileeshiyada majarteenya.

Xisbiga UCID iyo shacbi-weynaha Somaliland waxay oo dhaweenayaan xoreynta laascaanood iyo ku soo dabaalista amniga magaalada oo wax weyn ka taraysa horumarka iyo midnimada Somaliland .

Xisbi ahaan waxaan xukuumada ugu baaqaynaa in fidinta maamulka lagaadhsiiyo xuduuda; gargaar degdeg ahana la gaadhsiiyo dadweynaha, kala dambeyntiina iyo sharcigana lagu soo dabaalo iyadoo la adeegsanayo dadka deegaanka.

Dad-weynaha Reer Somaliland gudo iyo dibadba waxaan ka codsanaynaa in gar-gaar hiil iyo hooba ah loo fidiyo shacbiga reer laascaanood iyo ciidamada Qaranka Somaliland.

Xukuumada iyo xisbiyada Qaranku inay sameeyaan abaabul, wacyigelin iyo abuuris guddi Qaran oo taakuleeneed”

Mustafe Cabdi Maxamed [Mustafe-Janaale]
Reporter Hadhwanaagnews.com/Hargeysa

[Somalistan]

http://www.qarannews.com/show/14743.html