Things couldn't have got anymore Interesting than this.
Djibouti: New President to be elected by 550MP's at the end of this week
Aadan Madoobe Jagadiisa Yaase ugu Cadcad Xilka Madaxweynaha?
Monday, 26 January 2009 21:23 Editor
Magaalada Jabuuti ee dalka Jabuuti oo ay wadahadalladu uga socdaan DFKMG ah iyo Isbahaysiga dib u xoraynta ayaa la filayaa in marka xubnaha iskudar ah kulmaan Arabacada in doorashada Madaxweynaha loo gudbo oo iyada lagu billaabo iyadoo la filayo inay taasi dhacdo Jimcaha iyadoo lagu wado in madaxweynaha la doorto uu toos horey uga qaybgalo kulanka Madaxda Midawga Afrika oo dhawaan dhacaya.
Jagada Aadan Madoobe ayaa muran ka taagan yahay iyadoo sida heshiisku dhigayo ay tahay in laga billaabo doorashada gudoomiyaha Baarlamaanka marka shirka ugu horreeya ay isugu yimaadaan labada dhinac oo Baarlamaan wadaag ah isku noqonaya. Aadan Madoobe ayaa doonaya in uun jagada madaxweynaha oo haatan marnaan dastuur ka taagan tahay lagu gaabsado jagadiisana loo daayo haddii kale laga cabsi qabo in caqabado shirka soo wajahaan. Dhanka kale xubno ka tirsan Isbahasiga iyo Baarlamaanka KMG ah ayaa ku adkaysanaya in jagada gudoomiyaha Baarlamaanku iyana noqoto mid loo baratamo sida heshiisku dhigayey.
Jagada Madaxweynaha ayaa ilaa iyo haatan waxaa ugu cad cad Nuur Cade, Galaydh iyo Sheekh Shariif iyadoo dhanka kalana laga yaabo in Yuusuf Garaad uu jagadaa isoo rashaxo laakiin ilaa hadda ma ahani tani mid la shaaciyey. Nuur Cadde ayaa laga yaabaa in in badan oo ka tirsan dhankiisa TFG-da aysan u codayn iyagoo ka aarsanaya dagaalkii isaga iyo Madaxweyne Yuusuf iyo xubno baarlamaanka ah kusoo dhex maray Baarlamaanka iyagoo la filayo inay ku xumayn darteed u codeeyaan sheekh Shariif.
Dhanka kale Xubno Isbahaysiga ka tirsan ayaa laga yaabaa inay iyana u codeeyaan Nuur Cadde iyagoo dhalilsan qaabka hogaamineed ee Sh Shariif, iyadoo beesha caalamkana laga cabsi qabo inay ka biyo diidsan yihiin in Sh Shariif jagadaasi qabto. Lama oga cidda dhabta ah ee kusoo bixi karta jagadaasi waase mid caqabado hor taagan yihiin ciddii soo baxda iyo Baarlamaankuba maadama ay dalka kusii fidayaan kooxo ka biyo diidsan heshiiska.
Soomaalida ayay u sahlan tahay in wax la diido ka dibna la burburiyo waxaase adaga in la helo awood wax lagu dhiso ama lagu furdaamiyo iyadoo dhanka kalana ay Soomaalida u fududahay in magac qabiil ama diin loo dhinto balse ay adag tahay in la helo dad nafta u hurayo sidii nabadda loo adkayn lahaa ama dawlad inta badan aqbaleen loo difaacan lahaa yuusan qofku jago ama dan toos ah ku qabinba'e, taasoo ah mid ka mid ah asaasyada loo baahan yahay in la helo si Soomaaliya dawlad iyo kala danbayni ka taabbo gasho.
