Wefti Blaadhan oo soo gaadhay Burco

[LiQaaye_TDH]

Wefti balaadhan oo ka socda Hay’adda Cuntada iyo Beeraha ee Qaramada Midoobay ee lagu magacaabo FAO ayaa magaalada Burco ku yimi Booqasho isla markaana kormeer ku maray beeraha ku yaala xarunta Gobolka Togdheer ee Burco.


Waftigan oo ka soo kicitimay magaalada Hargeysa ayaa magaalada Burco u yimi kormeer ay ku samaynayeen tababaro ay hay’adaasi u waday qaar ka mid ah Beeralayda gobolka Togdheer, kuwaas oo isugu jira wacyigalino iyo Tababaro dadka beeralayda ah loo siinayo sidii ay sare ugu qaadi lahaayeen wax soo saarka beeraha gobolka Togdheer iyo sidii ay ula dagaalami lahaayeen cayayaanka ku dhasha beeraha.


Weftigan ayaa wada booqday xarumaha ay tababarada ku siinayaan dadka beeralayda ah iyo beeraha ku yaala magaalada Burco, kuwaas oo ay ka mid yihiin beeraha Geela lagu xanaaneeyo ee ku yaala Burco isla markaana waxay sheegeen waftigan ka socday FAO in ay wadayaan tababarada iyo wacyigalinaha ay siinayaan beeralayda gobolka Togdheer ilaa iyo inta ay cagahooda isku taagayaan.


Ugu dambayntii maaha markii u horaysay ee ay magaalada Burco yimaadaan wefti ka socda hay'adda beeraha ee FAO dhaw jeer oo hore ayay yimaadeen magaalada Burco, taas oo ay sheegeen in ay ka fulinayaan mashaariic balse ilaa iyo hadda waxay qabteen oo la sheegi karo kamay fulin gobolka Togdheer iyo nawaaxigiisa marka laga reebo tababaro yar-yar iyo wacyigalino ay dhawrkii biloodba mar u qabtaan beeralayda mooyee.

[Ducaysane_87]

good luck for farmers