Ethiopia took Beled weyn !

[Harti55]

Cutubyo ka tirsan Ciidamada Ethiopia oo soo gaaray Deegaanka Ceel gaal

Cutubyo ka tirsan Ciidamada Ethiopia oo shalay soo gaaray Deegaanka Kalabeyrka ayaa u soo dhaq dhaqaaqay dhanka Magaalada Beled weyn, iyagoona soo gaaray meel 10KM u jirta magaalada oo lagu magacaabo Ceel gaal.

Imaanshaha ciidamadan ayaa ka dambeysay kadib markii Ciidamada Dowladda saaka la wareegeen guud ahaan Magaalada Beled weyn, kadib markii ay isku ballaariyeen qeybo ay magaaladaas ka joogeen Xoogaga Hubeysan.

Ma cada in Ciidamadan Ethiopianka xoojin u yihiin kuwa Dowladda Soomaaliya iyo in kale, hase ahaatee dhaq dhaqaaqa Ciidamadan ayaa la ogeyn halka uu ku biyo shuban doono.

Ciidamada Ethiopia ayaa la sheegay inay shalay soo galbiyeen Ciidamo soomaali ah, oo tababar ugu soo idlaaday gudaha Ethiopia kuwaasoo saaka la wareegay guud ahaan Magaalada Beled weyn.

Dhaq dhaqaaqyada ka jira Gobolka Hiiraan ayaa u muuqday dagaalo lagu hoobto oo halkaas ka dhaca, waxaana wali ku sugan qeybo ka mid ah Gobolka Xoogaga ka soo horjeeda Dowladda