Cimilada magaalada Ul-xeed ayaa ah mid qabow isla markaana ay naftu macaan saneyso joogitaankeeda iyadoo markaad magaalada soo galeysid aad arkeysi xoolo badan oo daaqaya hareeraha magaalada. Ulxeed waxay kaloo leedahay Dhul ku haboon Daaqsimaadka iyada oo ay indhahaagu qabanayaan Geel iyo Adhi badan kuwaasi oo daaqaya Dooxooyinka ku dhaw Magaalada. Magaalada Ul-Xeed ayaa waxa lagu Amaanaan Dhulka cagaaran ee u roon indhaha isla markaana ay weheliyaan dur dur biyoodka aad moodid inaad joogtid wadamada Bartamaha Afrika oo biyahan noocan oo kale ah ku badan yihiin sida wadanka Zimbabwe iyo Victoria Falls.




