An Issaq Iyo Dhulbahante MP Arrive In Galkayo! Talk of unity between Somaliland iyo Puntland were discussed to save the Somali Republic. They adviced Puntland President that the war in Mogadishu isn't going to be over in another decade. The Administration of Sheikh Sharif is not going to take Somalia forward but rather backwards. A new approach must be taken to solve the Somali crisis, the path of peace that already exits in the North must be pushed South.
Galkacyo: Cali Bashi oo ka hadlay Dagaalka Muqdisho, Rabshadaha S/land, Sogalitanka ciidamada Itoobiya, Muran dhuledka P/land iyo S/land iyo qodobo kale oo khuseeya xaaladaha dalka Soomaaliya
9. september 2009
APL
Tool
Send This Article To A Friend By Email | Saaxiibkaa warkaan ugu dir Email
--------------------------------------------------------------------------------
Print This Article | Daabaco warkaan
Gaalkacyo(AllPuntland)- Siyaasi Cali Baashi Xaaji Maxamuud oo horay uga tirsanaa baarlamaanka Faderaalka ee Soomaaliya, hadase ka mid ah Siyaasiinta Soomaaliyeed, soona gaaray shalay magaalada Gaalkacyo ayaa ka dayriyey xaaladaha ka jira gobalada Koonfureed ee dalka Soomaaliya.
Cali Baashi wuxuu sheegay in ay tageen dhawaan dalal badan oo kuyaala Geeska Africa iyo dalal kale oo Africa ah, oo ay kala hadlayeen xaaladaha Soomaaliya, gaar ahaana buu yiri in ay dhinacyadaasi oo dhan ka baxaan riyada oraneysa in ay Koonfurta Soomaaliya ka dhismi doonto dowlad Soomaaliyeed, oo soo gaarta guud ahaan gobalada dalka Soomaaliya.
Mr. Baashi wuxuu tilmaamay in ay dalalkaasi kala hadleen in wax lala qabto dadka Soomaaliyeed ee wax qabsaday ama horumar iyo daganaansho uhorseeday deegaanadooda, isagoo ula jeeday dowlad gobaleedyada Puntland iyo Somaliland, oo uu sheegay in ay joogaan dad Soomaaliyeed oo wax badan qabsaday, intii ay dagaalamayeen dadka ku sugan gobalada Koonfureed.
Muqdisho wey dagaysaa.
Cali wuxuu meesha ka saaray warka oranaya in ay magaalada Muqdisho nabad ka dhici doonto, wuxuuna warkaasi ku sheegay mid aysan waxba ka jirin, isla markaasna dowladdaha iyo Ururada daneeya xaaladaha Soomaaliya laga gadayay buu yiri ku dhawaad 20-kii sanno ee ugu dambeysay, ayna hada garowsadeen dalalkaasi in aysan waxba ka jirin arrintaasi.
Khilaafka Somaliland iyo Puntland.
Siyaasigan wuxuu sidoo kale cadeeyey in ay kutalo jiraan in ay wada-hadalsiiyaan dowladdaha Puntland iyo Somaliland, isagoo sheegay in ay labadan mandiqadood ay maanta ka madax banaan yihiin dagaalada iyo rabshadaha ka taagan Soomaaliyada kale, ayna kala hadleen dalalkii ay tageen sidii labada Maamul wax badan loo wada-hadalsiin lahaa, gacana loo siin lahaa si buu yiri ay udhameeyaan khilaafkooda dhinaca sohdimaha ah.
Dagaalada Muqdisho.
Mudanahan horay uga tirsanaa baarlamaanka Faderaalka ee Soomaaliya ayaa muujiyey sida uga xun yahay dagaalada ka socda caasumada dalka Soomaaliya iyo gobalada Koonfureed, wuxuuna dhinacyada oo dhan ku eedeeyey kuwa uadeegaya dano Shisheeye, balse aan ka talineyn danaha dadka Soomaaliyeed ee ku sugan koonfurta Soomaaliya.
Rajada Cali Baashi ee ku aadan in ay dagaaladaasi joogsadaan ayuu ku sheegay in ay tahay mid uusan marnaba qabin,isagoo cadeeyey in ay hada dagaalamayaan dad markii hore isku meel ka soo wada jeeday, doonayayna in ay mar uun xukunka dalka qabtaan, kuwaas oo uu sheegay in ay usoo kala hormareen Xukunkii, dagaalkuna umuuqanayo mid aan joogsi laheyn.
" Dagaalka Xamar wuu soconayaa, mana joogsanayo, waayo sidan aan ognahay waxaa hada dagaalamayaa waa labo qolo oo mudo dheer saaxiibo ahaa, dagaal soo wada galay usoo dagaalamay in ay qabsadaan hogaanka dalka, kooxahaas qaarkood ayaa ku soo hormaray hogaankii, markaas dhinicii kalena dagaal ayay bilaabeen si ay kooxdan meesha uga keexayaan, marka ma muuqanaya rajo uu ku joogsanayo dagaalkaasi" Ayuu yiri Cali Baashi Xaaji Maxamuud.
Muran Siyaasadeedka Somaliland.
Cali wuxuu ka dayriyey muran Siyaasadeedka ka taagan gobalada Somaliland, taasoo oo uu sheegay in ay ku wajahan tahay arrimaha Doorashada, isagoo ugu baaqay dadka Somaliland in ay ka tashadaan Aayahooda, wuxuu sheegay in raga ugu sareeya Maamulkaasi lugu eedaynayo in ay iska fariisteen kuraastii ka dhaxeysay dadka Somaliland, wuxuuna ugu baaqay in ay arrimahaasi soo afjaraan.
" Aad baan uga xun-nahay waxa ka socda Somaliland, waxaan Alle uga baryaynaa in uu Alle ka saaro oo ay heshiiyaan,wararka naga soo gaaraya waxa ay sheegayaan in rag ay isku dhajinayaan xilalkii umada udhaxeeyey, waxaana ragaas ugu baaqaynaa in ay xilalka dowladda isku hayaan" Ayuu yiri Cali Baashi Xaaji Maxamuud.
Soo galitaanka ciidamada dowladda Itoobiya.
Mr. Baashi ayaa ku sifeeyey ciidamada dowladda Itoobiya soo galitaankooda mid lugu qasbay, isla markaasna ay dad shalay doonayay in ay baxaan ay maanta uyeerayaan ciidamadaasi dowladda Itoobiya, wuxuuna sheegay in aysan dowladda Itoobiya dan ka laheyn in ay ciidamadeda galiso Soomaaliya, isagoo sheegay in hadii Itoobiya ay halis ka dareento ku soo wajahan dalkeeda, ay soogalineyso ciidamadeeda oo ay iska difaacayso dhibaato hanaankeeda Maamul ku soo wajahan.
F. C. Maxamed
AllPuntland
unity with pland = Fitnah
