ASWJ oo mar kale dharbaaxo xoogan ku dhuftay Alshabaab

[AhlulbaytSoldier]

Dagaalo xoogan oo u dhaxeeya Xoogag taabacsan Culimada Ahlu Sunah Waljamaacah iyo Xarakada Alshabaab ayaa shalay gelinkii dambe ka dhacay deegaano ka tirsan Gobolka Hiiraan, kaasoo saacado badan socday.

Afhayeen u hadlay Ahlu Sunah oo lagu magacaabo C/risaaq Al-ashcari ayaa sheegay in dagaal ka dhacay tuulo ku dhow degmada Matabaan ee gobolka hiiraan ay jab xoogan ku gaarsiiyeen kooxihii ay la dagaalameen.

C/risaaq Al-ashcari ayaa sheegay in dagaalka ay kaga dileen Alshabaab labo taliye Ciidan, waxaana uu sheegay in dagaalka uu socday shan saacadood oo xiriir ah.

Ka sokow sheegashada Afhayeenka Ahlu Sunah ayaa jirin war ka soo baxay Alshabaab oo ku aadan dagaalada, waxaana saraakiisha Alshabaab ay sheegeen in aanu jirin dagaal ay shalay kula galeen maleeshiyaadka Suufiyada deegaanada Gobolada Dhexe.

Dagaal mudooyinkii u dambeeyay ka dhacayay Gobolka G/gaduud iyo Hiiraan ayaa ahaa mid Ahlu Sunah ay ugu itaal sheegatay Ururada isbaheystay ee Shabaab iyo Xisbul Islaam, waxaana jiray deegaano laga saaray oo gacan ku heynteeda ay la wareegeen Culumaa'udiinka Ahlu Sunah.

[moshakis_nl]

kkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkk u make me laugh