Hawlgalkii Eebo Cadow ee ay Ciidamada Xoreynta Ogadeniya ku ekeeyeen saldhigyada Wayaanaha oo aaney weli Wariyayaasheenu soo dhameystirin sababo ay isgaarEthiopian Dictator
siinta oo xun ka mid tahay ayaa lagu soo waramayaa in taliska Addis Ababa lagaga diley in ka badan 450 askari oo ay ku jiraan 12 Saraakiil sare ah oo ahaa kuwa kala xukumay Guutooyinka bari. Balse wararka ka soo baxaya Jigjiga iyo Harar ayaa sheegaya in tirada saraakiishu tahay 25 uu ku jiro sarkaalkii qaybta sahanka Ciidamada Wayaaha ee Harar oo lagu magacaabi jirey Hailu. Sidoo kale, dhaawaca ayaa lagu soo waramayaa in uu buux dhaafiyey Isbataalada, iyada oo askar badani u dhimatey dhaawicii soo gaadhey.
Dagaalkan oo ka dhacey 10 deegaan oo ay Ciidamada Wayaanuhu ku leeyihiin Saldhigyo waaweyn ayaa laga dhigey kuwa ay Ciidamada JWXO cagta mariyeen iyo kuwa ay qabsadeen., iyaga oo halkaas kula wareegey wixii saad iyo saanad Milatari yaaley oo ay ku jirto Daawo iyo qalabka isgaarsiinta. Hubka ay xoogaga ONLF furteen ayaa waxaa ka mid ah qoryaha PKM iyo Sniper-ka loo yaaqaano
Saraakiisha ONLF ee dagaalka hogaamineysa ayaa sheegaysa in ay dagaaladu meelo badan ku baaheen sida Qamuuda, iyaga oo intaas ku darey in ay Jabhada ONLF qabsatey xaruntii Isgaarsiinta ee Wayaanaha oo ku taaley buurta Qabri Jeeraar, halkaas oo uu yaaley qalabka lagu dhegaysto Isgaarsiinta Jabahada. Sidoo kale dagaaladan ayaa Waxaa ciidamada Wayaanaha lagaga gubey gadiid dagaal iyo kuwa xamuulka qaada.
Dhinaca kale, Ciidamada Wayaanaha ee magaalooyinka Godey, Jigjiga, Wardheer iyo Qabridaher ayaa heegan la geliyey, iyada oo baadhinaato lagu bilaabey magaalada Jigjiga oo duhurka cad dakd jidka lagu joojinayo.
La soco wararkeena dambe oo aanu soo daabici doona faah-faahin dheeraad ah
