Guddoomiyaha Golaha Wakiillada Smaliland Cabdiraxmaan Maxamed Cabdillaahi(Cirro), ayaa sheegay inuu hankiisu gaadhsiisanyahay heer Madaxweyne, islamarkaana uu isu soo sharaxi doono wakhtigeeda, sidaana waxa uu Mr Cirro u sheegay Idaacadda BBc-da oo waraysi ku saabsan Miisaaniyadda Qaranka ee shalay goluhu ansixiyey ka waraysatay.
Guddoomiyaha Golaha Wakiillada waxa kale oo uu sheegay inaanu hunguri kaga jirin inuu mar labaad isu soo sharaxo Guddoomiyaha Wakiillada iyo ta xildhibaanimmoba, islamarkaana uu fursad u siin doonoo dadkii ku hadhay tartankii hore ee loogu jiray Golaha Wakiilada, isagoo arintaa ka hadlayana waxa uu yidhi. "Waa dhab waxaan go'aansaday muddo xilliyeedkii golaha lay doortay inaanan u ordin, anigoo fursad u siinaya muwaadiniinta Somaliland oo aanay berigi hore u suurtagelin inay golaha soo gallaan."
