--------------------------------------------------------------------------------
Wasiirka Arimaha Gudaha ee Dawlada Puntland Gen.Cabdullahi Axmed Jaamac (Ilko-jiir) iyo wafdi balaadhan oo uu hogaaminayo ayaa saaka ka ambabaxay Magaaladda Badhan ee gobolka Sanaag, Wafdigan oo in dhawaale ba ku sugnaa gobolka islamarkana wax badan ka qabtay Mudadii ay joogaan ayaa maanta u ambabaxay caasimada Puntland ee garowe halkaasi uu arimo degdeg ah kasoo qaban doono.
Hoos ka daawo Sawirada
Inta uu san ambabixin wasiirku ayaa waxa uu kormeer ku maray Saldhiga ciidamada Daraawiishta ee Badhan, halkaasi oo kula kulmay Taliyaha Ciidamda Daraawiishta ee aaga Sanaag Col. Cabdulaahi Cumar Cashuur iyo waliba taliska ciidamda Badhan.
Kormeerkaas kadib, ayaa waxa uu sidoo kale la kulmay Odayaasha gobolka Sanaag oo uu sheegay in uu sida ugu dhakhsiyaha badan ugu soo laaban doono Badhan iyo Sanaag si uu u ambaqaado hawlo indhawaydba looga fadhiyay oo ay kamid yihiin dib u dhisidda maamulka gobolka iyo waliba arimo kale oo waxqabad u ah gobolka
Wasiirka oo la filayay in uu arimo badan ka qabto gobolada Sanaag iyo Haylaan ayaa ku laabtay magaalada Garowe isaga oo kulan uu la qaatay duqay dhaqameedyada Sanaag, usheegay in uu si dhakhso ah ugu soo laaban doono Sanaag si uu uqabto hawlaha uu halkan u yimid
Xigasho SPR