Three people Killed in Burco

[Siciid85]

Saddex Qof oo Habeenkii Xalay Ahaa Dilal Kala Duwan Loogu Gaystay Magaalada Burco


BURCO-(OODWEYNENEWS)-magaalo madaxda Gobolka Togdheer ee Burco ayaa waxaa habeenkii xalay ahaa dilal Kala Duwan loo gaystay ilaa Sadeex Qof kuwaasi oo ilaa hatan cida ka danbaysay dilalkaasi aan la garanaynin marka laga Reebo 1qof oo dhaawaca oo isaga uu dilay nin la sheegay inuu maskaxada ka jiranyahay.

3dan Qof ayaa mid kood dhintay halka 2da kalena ay yihiin Dhaawac ilaa hatan ma jirto cid garanaysa cidii Dishay labadani Nin kuwaasi oo dilkood loo Adeegsaday Noocyada Mindiyo cusub oo casriya oo dhawaan Dalka la Keenay waxaana Labadani Nin lagu dilay xafadaha kala Duwan ee magaalada Burco.

Balse mar aan isku daynay inaan la xidhiidhno Saraakiisha Ciidmada Booliska Gobolka Togdheer ayaa waxa ay hadalkoodii ku soo koobeen in ay socodaan baadhitanka iyo ku daba jirka hawlahani dilalka ee Loo gaystay Qaar Ka tirsan Muwaadiniinta Gobolka Togdheer.

Labadii Todobaad ee u danbeeyay ayaa waxa ay Dadweynaha Ku Dhaqan Magaalada Burco ay si weyn uga cabanayeen waxyeelada iyo Boobka ay gaysanayaan dad Tuuga oo ku hubaysan Baastooladu iyo Mindiyo kuwaasi oo dadka Saacadaha Danbe socda u istaago Meelaha Madawyada ah,waxaana isla Todobaadkan ay dadkaasi Tuugta ahi u gaysteen dhaawacyo kala gadisan oo mindiyo ah ilaa 4qof mana jirto xiligani wax talaabo ah oo arintaasi ku aadan oo ay qaadeen ciidmada Booliska Gobolka Togdheer oo iyagu had iyo goor u taagan sugida Amniga Gobolka.

Geesta Kale waxaa weli ka sii Socda Guud ahaanba Gobolkani Togdheer hawlahii Baadhista ahaa ee ay wadeen Ciidmada Boolisku kuwaasi oo ku Ugaadhsanaya cid kasta oo looga shaki Qabo inay xidhiidh la leedahay Kooxaha islaamiyiinta Dalka Somaliya waxaana hawshani ciidmada Booliska si weyn ugala qaybqaadanaya Shacbiweynaha GobolkanTogdheer ku Dhaqan kuwaasi oo ciidmada Farta ugu Fiiqaya meel kasta iyo cid kasta oo ay uga shakiyaan inaay duulimaad ku yihiin amaankooda.

Ugu Danbaytii Dadweynaha ku Dahqan Magaalada Burco ayaa ugu baaqaya Xukuumad inay wax ka qabato arimahani aman darada ah ee xiliyada Habeenkii ay ku kacayaan dad ka Tuugta ahi kuwaasi oo waxyeelooyin balaadhan ugu gaysanaya Dadka Shacabka ah.

Maxamed Cawed Maxamed
Oodweyne News/Burco Office

[hargaysaay]

god bless them all this is shocking news tobe killed just before ciid