Ceerigaabo (OWN)- Waxa maanta soo gaadhay magaalo madaxda gobolka sanaag ee ceerigaabo wafti balaadhan oo uu hogaaminayo wasiirka wasaarada caafimaadka oo ay socdaalkiisa ku wehelinayaan wasiirku xigeenka caafimaadka Nicmco Qawdhan iyo wasiirka wasaarada shaqada iyo arumaha bulshada Ilhaan Maxamuud Jaamac waxaan ay wuftidu ugu horay kormeer ku soo mareen xarunta hay’ada bisha cas oo ay kula kulmeen masuuiyiinta hay’adaa waxaana ay ka dhegaysteen warbixin gudoomiyaha hay’ada bisha cas oo ka xogwaramay xaalada caafimaad ee gobolka intaa kadib waftitu waxaa ay sidoo kale kormeer shaqo ku soo mareen cisbataalka guud ee oo ay booq dee qaybaha kala duwan ee cusbataalku uu ka kooban yahay.
Waxaana ay intaa kadib kulan la qaateen shaqaalaha iyo hawlwadeenada kala duwan ee cisbitaalaka iyadoo ugu horayn madashaa hadal kooban ka soo jeediyey isuduwaha wasaarada caafimaadka gobolka sanaag oo ka waramay xaalada guud cisbataalka isaga oo xusay ina ay qaybaha qaliinka haweenka iyo dhalaanka ay gacanta ku hayso hay’ada MSF waxaana uu sidoo kale ka warbixiyey xaalada guud ee caafimaad ee gobolka,
Waxaa isna madashaa ka hadlay gaasimaha cisbataalaka magaalada cerigaabo waxaana uu ka warbixiyey sida uu ushaqeeyo cisbataalku waxaana waftitida ugu mahad naqay booqashadooda.
Waxaa isna halkaa kahadlay masuulka MSF ee gobolka sanaag oo sheegay inay yihiin hay’ad gar gaar oo ka shaqaysa dhinaca caafimaadka diyaarna u ah inay la shaqeeynaan cisbataalkana.
Duqa degmada cerigaabo Ismaaciil X Nuur faarax oo isna madashaa ka hadlay ayaa dhankiisa siweyn u soo dhaweeyey waftida waxaana uu xusay inay ka dawlad hoose ahaan cusbataalka ugu deeqaan dhinaca biyaha
Gudoomiyaha gobolka sanaag mudane cali cabdi hurre ayaa ugu danbayn u mahad naqay waftidan, Waxaana uu hadalaka ku soo dhaweeyey wasiirka wasaarada caafimaadka
Dr:Xuseen xoog waxaana uu ka waramay ujeedada socdaalkooda uu ku sifeeyey inay tahay xaqiiqoraadis ku wajahan xaalada gobolka sanaag waxaana uu sidoo kale tilmaamay inay xukuumada madaxweyne axmed siilaanyo ay fulinayso balna qaad yadeedii.
Waana tan iyo markii ugu hoaraysay ee ay gobolka sanaag soo gaadhaan wafti ka socota xukuumada cusub ee soomaliland tan iyo intaa ladoor tay
c/naasir khaalid siciid
Ceerigabo
