Taliyaha cusub ee sirdoonka qaranka Somaliland loo magacaabay Col. Maxamed Nuur Xirsi oo ay isku jifo yihiin madaxweyne Siillaanyo, iska markaana ka mid ahaa saraakiishii ciidamada Milatariga Somaliya gar ahaana qaybta Taangiyada oo muddo dheer ahaa qurbo joog degenaa dalka Ingiriiska ayaa waxay ilo xogogaal ahi Haatuf u xaqijiyeen in taliyaha cusub Col. Maxamed Nuur Xirsi uu si rasmi ah xilkaasi ugala wareegay Mr. Xuseen Keniyaati, taaso munaasibad lagu qabtay dhismaha cusub ee loo dhisay hay’da sirdoonka qaranka Somaliland ay si rasmi ah xilka ugula kala wareegeen labada taliye, taaso sida ay tibaaxuhu noo sheegeen ay munaasibadii xil wareejintaasi ay goob joog ka ahayeen la taliyaha Madaxweyenah ee dhinaca nabad galyada Saleebaan Cumar Ku Joog iyo saraakiil ka tirsan hay’yada sirdoonka qaranka.
Jagadan taliyaha sirdoonka qaranka oo ay loolan ugu jireen sida la sheegay xubno ay ka mid ahayeen Cabdi Axmed (Cabdi Dheere), Xasan Cali Abokor, Muj. Maxamed Kaahin Axmed, Ibraahim Faarax Doodi, Axmed Maxamed Maxamuud (Axmed Dheere) ayaa iyaga la sheegay in damacoogii jagadaasi buuxinteeda uu soo afjarmay markii uu madaxweyne Siillaanyo Arbacadii daraad si rasmi ah digreeto ugu magacaabay Maxamed Nuur Xirsi in uu noqdo taliyaha cusub ee sirdoonka Somaliland.
Source :Haatuf
