good decision we need jail to put siiland pirates on itBaarlamaanka Dawladda Puntland ayaa lacag ugu deeqay dhismaha lagu wado xabsiga weyn ee degmada Baran ee xarunta gobolka Sanaag.
Mudaneyaal ka tirsan Baarlamaanka Puntland ayaa maalmihi lasoo dhaafay ku sugnaa degmada Baran,waxaana ay halkaas kula kulmeen masuuliyinta kala duwan ee gobolka Sanaag ee Dawladda Puntland.
Xildhibaan C/xakiim Maxamed Axmed oo u waramaayay Horseed Media ayaa sheegay in mudaneyaasha Baarlamaanka Puntland uu ay lacagta dhexdooda iska soo ururiyeen si loo dhamaystiro dhismaha xabsiga weyn.
Wuxuu intaas raaciyey in lacag ka badan $3,000-doolarka maraykanka ay maanta ku wareejiyey Taliska qaybta booliska ee gobolka Sanaag kaas oo ay ugu talagaleen in xabsiga lagu dhiso.
Hore Taliska Ciidamada Booliska iyo Asluubta Puntland ayaa lacag ugu deeqay dhismaha xabsigaan.
Dhismaha xabsiga degmada Baran ayay maamulka gobolka Sanaag ku dhawaaqeen in ay bilaabeen bishii lasoo dhaafay,iyadoo degmadaas iyo gobolka oo dhan aan ka jirin wax xabsi ah oo lagu xiro dadka dambiileyaasha ah.
Horseed Media
