Kulan looga hadlayay amniga oo ka dhacay Waqooyiga Gaalkacyo

[FBISOMALIA]

Gaalkacyo: (Sh. M. Network) Kulankaani oo ahaa mid looga hadlayay xaaladda amaan ee magaalada Gaalkacyo ee Xarunta gobolka Mudug islamarkaana ay yeesheen Mas’uiuliyiinta gobolka iyo Saraakiisha ciidamada amaanka ee Maamul goboleedka Puntland ayaa maanta waxaa uu ka dhacay Xarunta gobolka Woqooyi ee magaalada Gaalkacyo.

Kulankaan ayaa Mas’uuliyiintii iyo laamaha amaanka iyo Maamulka Puntland waxaa ay diiradda ku saareen sidii wax looga qaban lahaa falalka amaan dari ee kusoo kordhay dhinaca Woqooyi ee maagalad Gaalkacyo, iyadoo falkii ugu dambeeyay Haweenkii xalay ahaa lagu dhaawacay dad rayid ah oo aan waxba galabsan.

Masuuliyiinta gobolka ayaa sheegay in ay aad ugu xunyihiin falalka amni daro ee ku soo kordhaya gobolka Mudug, waxaana madasha kulanka ka hadlay gudoomiyaha Puntland ee gobolka Mudug Axmed Cali Salaad Faarax isagoo ku dheeraaday ka hadalka amni darida ka jirta Puntland.

Gudoomiyaha ayaa sheegay in ay cambaareynayaan falalka lagu waxyeeleynayo dadka rayidka ah ee aan waxba galabsan, waxaana uu ugu baaqay qeybaha kala duwan ee bulshada in ay la shaqeeyaan laamaha amaanka si looga hortago dadka falalka amaan darida ka geysanaya gudaha Magaalada Gaalkacyo ee xarunta gobolk Mudug.

Masuuliyiinta Maamulka Puntland ayaa dhowr jeer ku cel celiyay in ay wax ka qabanayaan falalka amni daro ee ka jira deegaanada Puntland hase ahaatee waxaa wali falal amnin daro ah laga dareemayaa deegaanadaasi.