Masuuliyiin Ka Tirsan Xukuumadda Siilaanyo Oo Is Faro Saaray

[Siciid85]

Masuuliyiin Ka Tirsan Xukuumadda Madaxweyne Siilaanyo Oo Is Faro Saaray
(Hadhwanaagnews) Monday, January 24, 2011

Hargeysa (HWN) Agaasimaha guud ee wasaaradda waxbarashada iyo tacliinta sare ee Somaliland Md. Cali Maxamed Cali iyo guddoomiyaha waxbarashada gobolka Hargeysa ayaa saaka isku af dhaafay aqoon isweydaarsi loo soo gabogabaynayay macalimiinta dugsiyada hoose dhexe ee gobolada Hargeysa iyo Boorama.

Aqoon isweydaarsigan oo u socday macalimiinta muddo ku siman saddex maalmood, laguna baranayay fayo dhawrka oo ay soo qaban qaabisay hay’da Caritas ayuu Agaasmaha guud ku mamnuucay in macalimiinta la siiyo wax lacag ah, waxaanu u soo jeediyay in marka uu dhamaado ay ka baxaan, taas oo ka cadhaysiisay guddoomiyaha waxbarashada gobolka Hargeysa iyo qaar ka mid ah macalimiinta.

Waxaanu agaasimaha guud ku dacwoonayaa in aanay macalimiintu aqoon isweydaarsiyada u soo gelin sidii ay aqoon u korodhsan lahaayeen balse ujeedada koowaad tahay sidii ay lacag uga heli lahaayeen.

Ma jiro wax ilaa hadda kala gaadhay labadan masuul, balse waxa la sheegayaa in ay yaab iyo amakaag ku noqotay macalimiintii ka qayb galayay aqoon isweydaarsigaas weedhihii ay isweydaarsanayeen.

Agaasimaha guud ee Wasaaradda Waxbarashada iyo tacliinta sare ayay hore isugu dhaceen masuul ka tirsan isla wasaaradaas.

Najax Aadan Cunaaye

Hadhwanaagnews/Office

[Bohol iyo karaman]

waar tanu xukumaad ma'aha? waa dhilowdey? waa waalatay walahay.

[Siciid85]

Bohol
This continuous disputes are getting beyond absurd to the point it's delaying Somaliland's long-term process.

[Madelina]

Bohol & Siciid ...y'all on a roll hada yaa..

[NewHargeisaGirl]

waar tanu xukumaad ma'aha? waa dhilowdey? waa waalatay walahay.

The chickens are coming home to roost