Maamul Goboleed la baxay Bila-quban State ayaa looga dhawaaqay Magaalada Nairobi ee caasimada dalka kenya.
Shir Jaraa’id oo ay si wada jir ah Hotelka Nomad ugu qabteen Mas’uuliyiin ka tiran Maamulkaasi ayay ku faah faahiyeen wax qabadka Maamulka iyo ujedooyinka loo aas aasay.
Afhayeenka Maamulkaasi C/casiis Cilmi Dacay oo ka hadlay Shirka Jaraa’id ayaa shegay in Maamulkaan ay dhisteen beelaha deegaankaasi daga isla markaana dhawaan doorashada madaxweynaha uu dhici doono.
C/casiis ayaa intaasi ku daray in maamulkaan uusan aheyn mid lagu carqaladeynayo Maamulada kale ee dalka ka jira isaga oo xusay in daris wanaag ku wada noolaan doonmaan sida uu shegay.
“Maamulka Bila-xuqan State waa maamul dadka degaanadaasi daga ku dhawaaqdeen mana aha mid caqabad ku ah maamulada kale ee dalka ka jira gaar ahaan kuwa dariska la ah”ayuu yiri Afhayeenka.
Afhayeenka Maamul Goboleedka Bila-quban State ayaa ku nuux nuuxsaday in doorashada madaxweynaha ka dhici doonto dalka gudahiisa balse dhaawaan qaban qaabin doonaan shirweyne lagu soo bandhigayo xubanaha baarlamaanka iyo waxyaabaha maamulka qaban doono.
Sidoo kale Waxaa kulanka ka hadlay C/llaahi Sabriye Guhaad oo ka mid ah mas’uuliyiinta Maamulka qaban qaabinaya isaga oo sheegay in wax lagu farxo tahay in Maamul ku dhawaaqdaan.
Waxaa uuna carabka ku adkeeyay in Maamulkaan noqon doono ku saldhig ku ah ku dhaqanka shareecada islaamka.
Isaga oo hadalkiisa sii wata waxaa uu shegay in maamulkaan taageersan yahay dowlada KMG ah isla markaana uusan aheyn mid gaar u taagan.
Ugu dambeyn waxaa kulanka ka hadlay Xaaji Maxamed yaxye oo ah siyaasiyiinta sida aadka ah looga yaqaan dalka gudahiisa isaga oo ku booriyay shacabka deegaanada maamulka loo dhisay ka soo jeeda in si aad ah u taageeraan lana shaqeeyaan.
Gaba gabada kulanka ayaa la isku afgartay in Todobaadyada soo socda la qabto shiweyne guud oo lagu soo bandhigayo waxyaabaha maamulka qaban doono iyo waliba ujedada loo aas aasay.
