Rag soo weeraray ciidanka ayaan gacanta ku dhignay

[FBISOMALIA]

Ciidamada amaanka gobolka Mudug ee maamulka Puntland ayaa sheegay in ay gacanta ku dhigeen rag hubaysan oo soo weeraray ciidanka amaanka degmada Gaalkacyo,xilli ay hawlgalo ka wadeen magaalada Gaalkacyo ee xarunta gobolka Mudug.

Taliyaha qaybta booliska gobolka Mudug Gaashaanle sare Cabdirashiid Cadceed Gelle oo la hadlay Horseed Media ayaa sheegay in raga ciidanka ay gacanta ku dhigeen tiradoodu ay gaarayso 4-qof kuwaasi oo u uu ku tilmaamay inay yihiin xagjir.

Cabrirashiid Cadceed Geele ayaa hoosta ka xariiqay in weerarkaasi uu qayb ka yahay weerarada inta badan ka dhaca deegaanada Puntland,waxaana uu sheegay in dadka la soo qabtay ay ciidamada gacanta ku hayaan islamarkaana ay ku xiranyihiin xabsiga wayn ee magaalada Gaalkacyo.

Ciidamada amaanka gobolka Mudug ayaa dhowaan hawlgalo lagu xaqiijinayo amaanka ka bilaabay magaalada Gaalkacyo ee xarunta gobolka Mudug,ka dib markii falal amaanka ka dhan ah ay ka dhaceen magaalada Gaalkacyo ee xarunta gobolka Mudug.

Hawlgalkana ayaa ku soo beegmaya xilli xaalada amaan ee magaalada Gaalkacyo ay muddooyinkii ugu dambeeyay si wayn u soo hagaagaysay.

Horseed Media