Xildhibaano sheegay iney gudoonka Baarlamanka Somalia u gudbiyeen mowshino ka dhan ah ra’isul wasaare Gaas iyo xukuumada Kenya
Ugu yaraan 50 xildhibaan oo ka tirsan Baarlamaanka KMG Soomaaliya ayaa la sheegay inay guddoonka Baarlamaanka ay u gudbiyeen mooshin ka dhan ah ciidamada Kenya ee gudaha u soo galay dalka Soomaaliya, kaas oo ay kaga dalbanayaan in arintaas la horkeeno baarlamanka si uga doodaan ugu dambeyntiina ug codeeyaan.
Mudane ka tirsan Baarlamaanka KMG Somalia oo magaciisa in la xuso ka gaabsaday ayaa sheegay in ilaa 50-xildhibaan oo ka tirsan Baarlamaanka KMG ay u gudbiyeen Guddoonka sare ee Baarlamaanka KMG mooshin ay ku dalbanayaan in laga hadlo soo gelitaanka ciidamada Kenya ee gudaha dalka Soomaaliya oo uu muran weyn ka taagan yahay sida ay sharci ku tahay soo gelitaankooda, kala aragti duwanaanshana ka dhex dhaliyey masuuliyinta dowlada KMG Somalia.
Waxa uu sheegay xildhibaanku in mooshinkaasi aan weli la horkeenin Baarlamaanka, uusanna ogeyn halka uu ku dambeeyay iyo sababta loo horkeeni la’yahay Baarlamaanka hortiisa, wuxuuna intaasi ku daray inuu jiro warar sheegaya inuu jiro mooshin kale oo ka dhan ah Ra’isul wasaaraha Xukuumadda KMG oo gacanta laga geliyey Guddoonka Baarlamaanka, inkastoo heshiiskii kambala oo Baarlamankun uu horey u ansixiyey uu dhigayo masuuliyiinta dowlada ee xilka heyneysa halka sano ee la kordhiyey aan wax mowshin ah laga keeni Karin.
Sida warku sheegayo Xildhibaanada gudbiyey ka dhanka ah mooshinka Ra’isul wasaaraha ayaa ku doodaya in Ra’isul wasaaruhu uu ku kacay wax ay ku tilmamaeen fal khiyaano qaran ah ka dib markii uu sheegay in Kenya ay rabitaanka dowladda KMG ay ku joogto gudaha dalka Soomaaliya iyada uusan Baarlamaanka ogolaan, taasoo ay sheegeen iney tahay qalad weyn maadaama raisul wasaaraha keligiis uusan ku hadli Karin codka dowlada KMG Somalia.
Madaxweynaha dowlada KMG Somalia Shiikh Shariif Shiikh Axmed oo ayaa ku cecelliyey in dowlada iyo shacabka Soomaaliyed aysan ogolaan doonin fara gelinta milateri ee ciidamada dowlada Kenya ku soo galeen ciida Soomaaliya, isagoo ugu baaqay Kenya iney ilaaliso qaranimada iyo madax banaanida Soomaaliya.
Hase ahaatee war kaas ka horjeeda ayaa waxaa uu ka soo yeeray Raisul wasaaraha xukuumada KMG Somalia Dr. C/weli Maxamed Cali oo si cad oo aan mugdi ku jirin u sheegay in ciidamada Kenya ee soo galay qeybo ka mid ah gobolada dalka ay soo dhoweynayaan, isagoo xusay iney dalka ku soo galeen rabitaanka dowlada Somalia.
http://dayniilecom.com/October2011/29October6.htm
