Dhismaha isbitaalka Caabudwaaq oo la dhameystiray
Waxaa magaalada Caabudwaaq laga hirgaliyey dhismaha isbitaalka Hadia Medical Hospital.
Isbitaalkan oo kuyaala koonfurka magaalada ayaa dhismihii socdey mudo 3 bilooda, waxaa dhisay Eng. Ruedi Brian oo udhashey dalka jarmalka oo mudadaasi oo dhan ku sugnaa Degmada Caabudwaaq. waxaana uu ka kooban yahey qeybo badan sida Qeybta Bukaan jiifka, qeybta qaliinka, iyo qeybo qaabilsan Hooyada iyo dhalaanka daryeelkooda, qebyaha dhaqaatiirta iyo qeyb marti waxaana uu leeyahey adeegyadii isbitaal oo idil (Ceelkii biyaha, matooradii dabka, Raajo, Sheybaar.)
Takhtarka guud ee isbitaalka Hadia Medical Hospital Dr. C/risaaq Cabdulaahi Warsame ayaa ii sheegay in isbitaalka uu shaqo gali doono maadaama uu soo gabo gaboobey dhismihii waxaana hada socda xirxirka iyo rakibida qalabkii uu ku shaqo gali lahaa isbitaalkan.
Dr. C/ risaaq C/laahi Warsame ayaa bilaabey shaqada isbitaalkan iyo dhismihiisa kadib markii uu dareemay baahida iyo dayaca dhinaca caafimaadka ay ku nool yihii dadwynaha deegaanka Caabudwaaq kuwaasi oo horey adeega caafimaad iyo qaliinba ugu safri jirey deegaano lamid degmada oo dadkoodu ay ka hirgasheen.
Laakiin deegaanada waqooyiga galgaduud dhaca majirin wax horumar ah waxaana daashadey colaado iyo abaaro mana helin gacan iyo taakuleyn dadkooda waxaana taa loo aaneynayaa jaaliyadaha kasoo jeeda deegaanadan oo aan wali dareemin baahida deegaanka.
Hadia Medical Hospital ayaa noqdey mid wax wey kabadaley nolosha magaalada hadii ay noqon lahyed shaqaalo cusub oo tababar qaatey, iyo ardey cusub oo wax kabarata isbitaalka kuwaa oo barashada ay ka dhaxleyn ugu shaqeyn doona deegaanka.
