Garoowe [RBC Radio] Dawladda Turkiga ayaa shaaca ka qaaday in gudaha Puntland dhawaan ka furanayso Xafiis ka shaqeyn doona dhanka Horumarinta kaas oo ay ka faa’iadysan doonaan Shacabka Soomaaliyeed.
Safiirka Dawladda Turkiga ee u fadhiya dalka Soomaaliya Ambassador Cemalettin Kani Torun oo maanta markii ugu horeysay yimid Puntland gaar ahaana magaalada Garoowe ayaa ku dhawaaqay xili uu Saxaafadda kula hadlaayey aqalka Madaxtooyada Puntland in ay Xafiis ka furanayaan Puntland kaas oo ka shaqeyn doona hawlaha dhinaca horumarinta.
Ambassador Cemalettin Kani Torun ayaa sheegay in Xafiiska ay ka furan doonaan magaalada Garoowe ee caasimada Puntland iyadoona ay ka hawlgeli doonaan dhamaanba hay’adaha Turkiga kuwaas oo caawin doona Iskuulada,Isbitaalada,mashruucyo biyo gelin ah ee kuyaala deegaanada Puntland oo idil.
Waxa uu xusay in aysan hay’adaha caalamiga ah soo marsiin doonin kaalmada ay ugu talagaleen Puntland ama wakiil ka dhigan doonin taas badalkeedana ay hawsha horumarinta iyagu qaban doonaan.
Maanta waxaan Jeclaan lahaa in aan ku dhawaaqo in Dowladda Turkiga Xafiis horumarineed ka furan doonto magaalada Garoowe,Xafiiskaan waxaa ka shaqeyn doona dhamaan Hay’adaha oo caawin doona Isbitaalada,Iskuulada iyo Biyaha.Si toos ayaan halkan uga shaqeyn doonaan si toos ah ayaan caawimaad usoo gudbin doona,Hay’ad caalami ah masoo marsiin doono kaalmadeena…
Madaxweynaha Puntland Cabdirixmaan Faroole iyo Ambassador Cemalettin Kani Torun ayaa kulan ay ku yeesheen Garoowe waxa ay kawada hadleen arrimaha dhanka horumarinta sida Siyaasada iyo mashaariic horumarineed oo Turkigu laga filayo in uu ka sameeyo deegaanada Puntland.
RBC Radio
Xafiiska Wararka Boosaaso
They all should be seated accordingly and be served the black gold, I mean black coffee 
