Written by nogob
Monday, 25 February 2013 13:30
Warar aanu kahelay Magaalada Godey ee Xarunta Gobolka Shabeele ayaa sheegaya in Magaalada Godey ay saaka Waji Cusub ku waabariisatay kadib markii laxaqiijyay Hawlgalo Culus oo Ciidanka JWXO ay bilaabeen.
Gaadiidka u kala Goosha Magaalada Godey iyo Magaalooyinka Gobolka Afdheer sida God Cusbo Hargeele iyo Jarati ayaa Habeenkii Xalay ahaa ku dhextuuray Magaalada Godey war Dadka intiisa badan aad ugu Farxeen, balse Maamulka Dabaqoodhiga ah iyo Maleeshiyadoodu ka Nixiyay.
Warkan waxaa soo Tabiyay Magaaladana ku sii dhexdaayeen dhawr Gaadiidley ah oo sheegay in ilaa 4-Goobood ay ku soo Mareen Ciidamada Jabhada ONLF oo si aada u Hubaysan, Meelaha ay Gawaadhileydu kula kulmeen Ciidanka ONLF ayay sheegeen inay kamid Yihiin Tuulooyinka Shimbiraale Dharaaye iyo Laaso Dacawo, kuwaasi oo dhamaantood kuyaala inta u dhaxaysa Godey iyo God Cusbo.
Warkan waxaa uu Hanqadhnews.com kahelay Muwaadin ku sugan Magaalada Godey oo kamid ah Dadkii sida Tooska ah uga waraystay Gaadiidleyda wixii ay arkeen, Muwaadinku waxaa uu noosheegay in Dhaq dhaqaaqani yahay mid ku Cusub Wadada Xidhiidhisa Godey iyo Afdher.
Waxaana uu sheegay in ay Dadku aad ugu Malaynayaan inuu Jiro Hawlgal Culus oo Jabhadu kaga Hortagayso Shirkadii Maalmahan lasheeg sheegayay ee lahayd Dooxada Ogaden ayaan Shidaal ka soo saaraynaa.
Muwaadinkani waxaa kale oo uu sheegay in Magaalada Laab ay mareen Habeen Hore Ciidamo Xoogle oo lagu sheegay Jabhada ONLF, Dhinaca Karinka Qalaafe iyadana waxaa laga sheegay Ciidamo socdaal ah oo Deegaankaasi maray kuwaasi oo la leeyahay waxay ku Jeedeen Dhinaca Gobolka Afdheer.
muwaadinkan ayaa yidhi dhinacaa Ceel Qooxle iyo Dharaayeba waan ku Maqli jiray Ciidamo ONLF ah ayaa Jooga mana badnayn Dhaq dhaqaaqoodu laakiin Hada waxaad moodaa inay Qorshe wadaan oo Dibada ayay u soo baxeen waxayna Joojinayaa Gawaadhida isticmaasha Wadada, waana ilaa Habeen Hore inta dhaq dhaqaaqan la dareemay ayuu intaasi kudaray Muwaadinka aanu Xogtan kahelay.
Isku soo wada duube Shirkada African Oil ayaa Heshiis Dhalanteed ah lagashay Xukuumada Wayanaha kaasi oo dhigaya in Shirkadu ay baadhitaan iyo Qodisba ku samayso Shiddaalka Dooxada Ogaden, waxaan se la Ogayn sida uu Heshiiskani Midha dhal u noqon doono maadaama ay Ciidamada Xoraynta Ogadenia sicad uga soo Horjeedaan Boobka iyo Xadista Khayraadka Dabiiciga ah ee Dalka Ogadenia.
Hanqadhnews.com
