Madaxweynaha maamulka Jubba-land Axmed Madoobe oo shalay soo gaaray magaalada Addis-Ababa ayaa sheegay in ujeedka uu halkan u yimid ay tahay sidii uu iskaashi caalami ah ugu raadin lahaa maamulka uu madaxda ka yahay . “Shirar badan ayaa halkan kula gali doonaa madaxda wadanka si aan uga dhaadhicino qorashaheena ku aadan in la taageero Jubba-land “ ayuu ku yiri waraysi uu siiyay Tv-ga qaranka Ethiopia qaybtiisa afka Somaliga ku hadla.
Waxaa kaloo uu sheegay in maamulka jubba-land uu yahay mid curdan ah una baahan in la caawiyo ,isagoo xusay in maamulkiisa ay shaqo badan hortaallo taasi oo la xiriirta sidii aqoonsi buuxa uu uga heli lahaa wadamada dariska ah. “Ma qorsoona in Jubba-land ay taageero ka rabto meel kasta oo ay ka helayso ,taasina dadaal dheer ayaan u gali doonaa “ayuu ku daray hadalkiisa oo aad u koobnaa.
Axmed Madoobe madaxweynaha Jubb-land ma soo hadal qaadin arimo la xiriira dowladda Federalka ah ee Somaliya oo iyadu horey u shaacisay in aysan aqoonsaneyn maamulka looga dhawaaqay Kismaayo muddo ka hor.
Masuuliyiin ka ag dhow madaxweyne Madoobe ayaa laga soo xigtay in masuulka uu la kulmi doono ra’iisul-wasaaraha Ethiopia Hailemariam Desalegn ,isla markaana ay ka wada hadli doonaan arimo la xiriira taageerada la siin karo Jubba-land.
Sidoo kale wararku waxey intaa ku darayaan in madaxweyne Axmed Madoobe uu la kulmi doono inta uu jooga caasimadda Ethiopia masuuliyiin ka tirsan safaaradaha ku yaalla Addis-Ababa si qorshaha Jubba-land uu u meel maro.
Madaxweyne Axmed Madoobe ayaa lagu wadaa in sidoo kale uu booqdo magaala madaxda kililka 5-aad halkaasi oo ay isku arki doonaan madaxda hogaamisa maamulkaasi si ay arimo badan uga wada hadlaan sidaas waxaa sheegay mid kamid ah masuliyinta safarka ku wehlisa hogaamiyaha Jubb-land, waxaa kaloo la sheegayaa in uu booqasho ku tegayo deegaanada Puntland oo lagu casumay, kaddib kulankii ka dhacay Magaalada Nairobi 1o casho kahor uu ku kulmeen labada masuul ee Puntland iyo Jubbaland.
Ugu danbayntii safarka uu ku soo gaaray Axmed Madoobe Addis-Ababa ayaaa loo arkaa mid u ku raadinayo taageero uu beesha caalamka kaga helo maamulka uu hogaamiyo ,kaasi oo waqti yar hadda jira ,isla markaana ay caqabado badan horyaallaan.
Puntlandpost.com
