I only know 6 of them
rch 31, 2014 by admin · No Comments · 1,390 views
"Kulan wada tashi ah oo looga hadlayay xaalada Gobolka Hiiraan iyo sida bulshada ku dhaqan isaga kaashaan lahaayeen amniga iyo taageerida Ciidamada qalabka sida ayaa maanta ka dhacay magaalada Muqdisho, iyadoo kulankan uu furay Wasiirka Arrimaha Gudaha iyo Federaalka C/llaahi Goodax Barre.
Kulankan ayaa waxaa soo qaban qaabisay Ururka Dhalinyarada ee SYL II, waxaana ka soo qeyb galay Wasiiro ka tirsan Xukuumada, Xildhibaano, Ugaasyo, culumaa’udiin, haween iyo saraakiil ka soo jeeda Gobolka Hiiraan.
Ugu horeyn kulanka ayaa waxaa khudbad dheer oo uu xaalada Gobolka uga warbixinayay ka jeediyay Wasiirka Arrimaha Gudaha iyo Federaalka C/llaahi Goodax Barre oo sheegay in Gobolka uu ka socdo howl gal qorsheysan oo looga saarayo Al-Shabaab.
C/llaahi Goodax Barre ayaa sheegay in Gobolka Hiiraan uu meel muhiim ah kaga yaalo dalka, islamarkaana uu yahay gobol nasiib badan, waxaana uu ka sheekeeyay xaaladihii uu gobolka soo maray iyo marxaladihii u dambeeyay.
“Waxaa u mahad celinayaa inta soo qaban qaabisay kulankan, oo ah mid waqti munaasib ah la sameeyay, runtii Gobolka Hiiraan waa gobol aad u nasiib badan, waa gobol ay dadka ka soo jeeda ay xadaarad ku dhex leeyihiin bulshada, waa gobol dadkiisa nabada ka shaqeeyaan, balse waxaa muddo dheer gacanta ku hayay cadaw, waa gobol meel muhiim ah dalka uga yaalo, waa gobol hada in wadanka oo dhan isku furmo wax yar uga dhiman yihiin”ayuu yiri Wasiirka Arrimaha Gudaha oo ka hadlayay muhiimada Gobolka Hiiraan u leeyahay dalka.
Wasiir Goodax ayaa sheegay in Gobolka Hiiraan ay ka howl galaan ciidamada ugu tayada fiican uguna wanaagsan, gaar ahaan Ciidamada Jabuuti ee Hiil Walaal iyo ciidamada Itoobiya ee AMISOM ka tirsan, waxaana uu cadeeyay in maalmihii u dambeeyay degmooyin dhowr ah laga bixiyay gacanta Al-Shabaab.
Wasiirka ayaa sheegay in loo baahan yahay talo iyo howl adag inay ka galaan bulshada ku dhaqan Gobolka, sidii xaalada loo hagaajin lahaa, gaar ahaan dhinaca nabadgelyada, iyo bulshada gobolka inay isku duubni ka sameeyaan.
“Hada waxaa socda dhamaadkii Al-Shabaab ee Gobolka Hiiraan in guud ahaan laga xoreeyo, waxa kaliya ku hareen waa Jalalaqsi, ciidamada Mahadaay ku sugan ayaa soo dhaqaaqaya dhowaan, waxaa laga saaray Maxaas iyo Moqokori, hadana xaalada waa degan tahay”ayuu yiri.
Waxaa uu sheegay inay lagama maarmaan tahay in shacabka Gobolka is kaashadaan, kana shaqeeyaan amniga, waxaana uu tusaale ahaan u soo qaatay in si cadaalad ku jirta in dadka ka soo jeeda Gobolka Hiiraan u heleen golaha wasiirada, iyagoo sagaal wasiir kasoo gaartay.
Sidoo kale waxaa kulanka ka hadlay Wasiirka Shaqada iyo Shaqaalaha Mudane Luqmaan Ismaaciil oo sheegay in loo baahan yahay in bulshada gobolka Hiiraan ay isku duubnaadaan, islamarkaana ay meesha ka saaraan kala qoqobka.
“Waxaa rabaa inaa dareensiiyo bulshada degan Hiiraan waxay tahay marka hore islaam ayaa nahay, dad walaalo ah, dhibka lasoo maray isla soo maray, in la is kala qoqobo waxba ma tareyso, marka hala isku duubnaado alle laga cabsado ayaa barwaaqo la gaarayaa, hala is walaashado, gobolka hala dhisto, beeraha hala fashto”ayuu yiri wasiirka Shaqada iyo Shaqaalaha Luqmaan Ismaaciil.
Mr Luqmaan ayaa waxaa uu sheegay in shacabka reer Hiiraan looga baahan yahay in aysan colaad isku abuurin ama is ficlin, isagoo xusay in dalka uu galayo Federaal, loona baahan yahay in aayaha laga tashto, si horumar loo gaaro.
“Shacabka waxaa laga rabaa hadii cadawga gacantiisa laga baxo in dadka cadaw isku noqdaan ma ahan, horayna looma soconayo, dalkaan federaal ayuu galayaa, dad walba ayaga is xukumaya, hadii laga tago gobol ahaan waligeen horumar ma gaareyno, hala isu fahmo dad deegaan ka dhaxeeyo”ayuu yiri Wasiirka Shaqada iyo Shaqaalaha.
Wasiirka Kaluumeysiga iyo Kheyraadka Maxamuud Colow Barrow ayaa sheegay in kulankan uu yahay mid muhiim ah oo dadka reer Hiiraan uga tashanayaan masiirkooda, waxaana uu xusay in Gobolka Hiiraan uu yahay Gobol Istiraatiiji ah oo isku xira Gobolo badan.
“Xaqiiqdi waxaa sharaf noo ah in reer Hiiraan odayaasha dhaqanka, wasiiradooda, siyaasiyiinta isku meel u jeedaan kana tashanayaan gobolka hiiraan sidii loo horumarin lahaa, Gobolka Hiiraan waa meel istiraatiiji ah ilaa iyo gobolada dhexe ilaa puntland khudaarta waxay cunaan ayaa laga qaadaa, beledweyn waa haaf deked ah oo isku xira dalka oo dhan”ayuu yiri Wasiirka Kaluumeysiga iyo Kheyraadka Maxamuud Colow Barrow.
Waxaa uu sheegay inay nasiib tahay in maanta ay isugu yimaadaan dhamaan bulshadii gobolka mataleysay, waxaana uu ka codsaday shacabka Gobolka Hiiraan inay taageeraan ciidamada milateriga iyo ciidamada AMISOM.
“Waxaa ka codsaayaa dadka reer Hiiraan inay isku meel uga soo wada jeestaan nimankaas cadawga ah, meelaha ay ka baxaan xataa ceelasha matooradooda ayay qaateen, dadka ayay inay noolaadaan u diideen oo ay biyaha cabaan, cadawgaas inaan iska celino, inaan taageerno Milateriga iyo walaalaha Jabuuti, una hambalyeyno si moraalkooda kor ugu kaco”ayuu yiri Wasiir Colow.
Kulanka ayaa waxaa khudbad ka jeediyay Wasiir kuxigeenka Warfaafinta C/llaahi Colaad Rooble waxaana uu sheegay in abaabul fiican la sameeyo, isla markaana loo baahan yahay in bulshada iyo siyaasiyiinta gobolka isku xirnaadaan, waxaana uu xusay in marka la xoreeyo la sameeyo diyaar garow ballaaran oo ah sidii baahida jira loo dabooli lahaa.
Xildhibaan Dahir Amiin Jeesow oo ka hadlay kulanka ayaa sheegay in isu imaatinka noocaan uu yahay arrin guul ah, isagoo xusay in arrinta Hiiraan looga baahan yahay waxqabad, waxaana uu cadeeyay in loo baahan yahay in wasiirada ka soo jeeda iyo xildhibaanada inay tagaan deegaanada Gobolka ee laga saaray Shabaab, isla markaana bulshada wacyi geliyaan, ayna abaabulaan.
“Lix sano alshabaab heysteen buulo burde, wax gar gaar lama gaarsiin, waa inaan sameynaa wacyi gelin, gar gaar la siiyo, dadka shacabka ee mudadaas la heystay inaan dhiira gelino, dhamaan xildhibaanada, siyaasiyiinta iyo wasiirada hadii ay tagaan inay dadka is fur furaan oo ay cabsida ka baxaan, aan isu diyaarino inaan tagno degmooyinka waxay dhiira gelin u tahay ciidankii walaalaha ahaa ee dhiigooda ku daatay iyo shacabka”ayuu yiri Dahir Amiin Jeesow oo soo jeediyay in wafdi loo diro deegaanada Hiiraan, gaar ahaan degmada Buulo Burde.
Kulanka ayaa intii uu socday waxaa la is dhaafsaday aragtiyo kala duwan iyo dood ku saabsan mowduuca kulanka oo ay ku lafa gureen wasiiradii, xildhibaanada, siyaasiyiinta, odayaasha dhaqanka, culumaa’udiinka iyo haweenkii ka qeyb galay.
Ugu dambeyn dooda kadib ayaa waxaa laga soo saaray war murtiyeed ka kooban sagaal qodob oo ay ugu weynaayeen in bulshada la baraarujiyo, la abaabulo, la taageero ciidamada qalabka sida, in wasaarada warfaafinta ay qaadato door wacyi gelin, in safaro lagu tago deegaanada laga saaray Al-Shabaab iyo arrimo kale".
http://radiomuqdisho.net/wasiirro-iyo-x ... a-sawirro/
Interior minister reveals his plans for the country.
https://www.hiiraan.com/news/2014/Mar/w ... -45880.htm
