Degmada Balcad oo Mataano la noqotay magaalo ku taalla dalka Philipine +
Waxaa La Daabacay Friday, July 31, 2015, Noo Reeb Farriin webmaster@ceelmacaan.com
Sanadkan bilowgiisa ayaa golaha sharcidajinta ee degmada Calanglasan ee gobolka Bukidnon ee dalka philipine isku raaceen in ay la mataanoobaan (twin city) degmada Balcad ee gobolka shebelada dhexe ee Somalia. Go aankaasi kadib ayaa duqa degmada Calanglasan si rasmi ah ugu casumay gudoomiyaha Balcad mudane Maxamud Maxamad Maxamud in uu booqasho rasmi ah ku tago dalka philipine si uu u saxiixo hashiiska mataaneynta ah labada magaalo.
Waxaa labada degmo heshiiska u kala saxiixay duqa degmada Calanglasan mudane Renande Inocando iyo gudoomiye Maxamud Maxamed Maxamud.
Heshiiskan ayaa noqonaya mid taariikhi ah madaama ay aheyd makii ugu horeysay taariikhda ee degmo Somalia ka mid ah ay la yeelato degmo wadan Asiya ku taalo. Gudoomiye Maxamud oo xaflada saxiixa heshiiska qudbad dheer ka jeediyey ayaa sharxay taariikhda Balcad iyo hurumarka ay sameysay dagmadiisa xaga nabadgelyada iyo wax-soosaarka beeraha.
Heshiiska mataaneynta ayaa waxaa labada dhinac iska kaashanayaa aqoontooda beeraha iyo waxbarashada madaama Calanglasan ay aad ugu horeyso beeraha.
Inta uu booqashada ku jiray gudoomiye Maxamud waxaa uu la kulmay iskaashatooyinka beeraleyda iyo masuuliyinta waxbarashada.
Sida aan la socono kadib bur burkii dowlada dhexe, Soomaaliya waxa ay
gashay heshiis mataaney ah labo mar, Mogadishu iyo istanbul, sidoo kale Bosaso iyo Minisota. Waxaa hada kusoo biirta degmada Balcad iyo degmada Calanglasan. Booqashada iyo heshiikaba waxaa kasoo shaqeeyey qurbo joogta reer Balcad.
Xafiiska Guddoomiyaha Degmada


Mhttp://www.ceelmacaan.com/degmada-balcad-oo-ma ... ne-sawiro/ Page 1 of 5