October 10, 2017
MUQDISHO (XOGTA.NET) – Xarunta Madaxtooyadda Soomaaliya “Villa Soomaaliya” ayaa markii ugu horeysay waxa ay yeelatay ID CARD-kii (Kaarka Aqoonsiga) ugu xumaa Taariikhda oo Madaxtooyo DAL uu yeesho kadib markii Mashruuca Daabacaada ID Card la siiyay QOF aan Aqoonteeda laheyn.
ID CARD-kii hore ee Dowladii ka horeysay Isticmaali jirtay ayaa la badalay waxaana lagu badalay ID CARD cusub kaasoo JIIB yar GEES loogu xiray kaasoo aan shaqeyneyn lana garan waayay Ujeedkiisa, waxaana ku baxday Lacag gaareysa $800.000 (Sideed Boqol Oo Kun oo Dollar) sida Shaqaalaha Villa Soomaaliya qaarkood noo xaqiijiyeen taasoo wax lala yaabo noqotay.
ID CARD-KA LOO SAMEEYAY SHAQAALAHA VILLA SOOMAALIYA
ID CARD-KA LOO SAMEEYAY SHAQAALAHA VILLA SOOMAALIYA
Jiibkaan sida SIM CARD u sameysan ee lagu xiray ID CARD ayaa DAD badan Su’aalo iska weydiiyeen waxuuna sheegay ninka sameeyay in Waqtiga ay Shaqada soo galaan Shaqaalaha Villa Soomaaliya iyo Waqtiga ay ka baxayaan lagu ogaan doono, balse ilaa hadda ma jiro Qalab la keenay oo Jiiibkaasi ku shaqeynaya inta aan ka aheyn FAAN iyo Mashruuuc Lacag badan lagu cunay oo aan waxba dheereyn ID CARD-yadda Jaamacadaha Muqdisho ay siiyaan Ardaydooda, waxaana si Sahlan loo COPY-gareyn karaa ID CARD iyo Jiibka ku jira intaba iyadoo aan waqti badan la galin.
Si kastaba ha ahaatee, Dowlada cusub ee Farmaajo hogaaminayo ayaa isku dayaysa inay guud ahaan badasho wax kasta oo Wanaag ama Waxqabad ahaa oo hore usoo sameysay Dowladii ka horeysay ee Xasan Sheekh Maxamuud taasoo loogu magac daray inay wali waddo howlihii ololaha ee loogu magac-daray “RAG ISKA CELIN”.
