Hal Abuurka Seedyare: A collection of my poetry

[BestP]

15.Waano

U lahaw dulqaad badan
Hadallada qof kuu daran
Deg deg waa balaayee
Damiirkaagu yuu lumin

Dambi weeye cadhaduye
Nin deelqaafay haw bixin
Duur xulkiyo u jeedada
Haku dagmin weedhaha

Dibjir lalama doodee
Dibnahaaga haw furin
Haka lumin dantaadee
Cabdiyoow digtoonoow!

Darajiyo aqoon sare
Ruux diin ku baaluqay
Dersi laga ishaartiyo
Xurmaa lagu daweeyaa


Digashadu ma fiicnee
Kol haduu dinaahshana
Dadka uu ku jaroo
Cujbi laga dareemana
Aamus lagu dadaaliyo
Dulqaad weeye xaajadu!

[BestP]

16.Muuse Bixi

Abwaan HY ayaa soo qoray "Malkadii Gabiiliyo dalxiis,haradiii Muusaa leh!"

Anna Jawaab kooban ayn ku barayaa Muuse qof uu yahay


Malkadii gabileey
Musihii ku noolaa
Maata doox inuu yahay
Miyadaan ogsoonayn!

Maadhiin holcaayiyo
Wuxuu moodhar guuxaya
LASCAANOOD ku miijiyay
Miyaadan ogsoonayn

Masjidkii Ilaahiyo
caruurtiyo maatada
Wuxuu maamo ciil baday
Miyaadan ogsoonayn !

Mardabaynta Daarood
Macaash lagama gaadhee
Wuxuu Muuse ciil qabo
Miyaadan ogsoonayn!

Jawaabtiisu waxay noqotay

Marraa waaxid saaxib
Midhkaa waan qiraayaa !

Shacabka iidoor way ogyihiin Muuse inuu yahay Dhagar qabe ficil iyo qabyaalad ky fal gala blse kuwa ayyidsan iyo kuwa kaleba way isugu jiraan.