Midowga Yurub iyo Masar oo ku baaqay in Ciidamada ay ka baxa

[Somali-Transporter]

Midowga Yurub iyo Dowladda Masar ayaa ku baaqay in Dalka Somalia laga qabto shir dib u heshiisiin qaran oo buuxa.

Wasiirka Arrimaha Dibedda Masar Axmed Abul Gheit ayaa sheegay in xukuumadda Qaahira iyo Midowag Yurub ay boorinayaan dadaalada loogu guuleysanayo shir dib u heshiisiin qaran oo buuxa oo dalka ka dhaca iyo in Ciidamada Ajnabiga ah ay dalka ka baxaan.

Kadib wada hadallo uu la yeeshay wakiilka Midowga Yurub ee Somalia Jean-Christophe Belliard ayaa Abul Geit waxa uu weriyayaasha u sheegay in labada dhinac ay wadaagaan fikradaha ku saabsan xaaladda Somalia.

Waxa kale oo uu sheegay in labada dhinac ay wadaagaan muhiimadda ay leedahay in shirka dib u heshiisiinta qaran ee Somalia ay ka qeyb galaan dhammaan kooxaha iska soo horjeeda.

Abul Geit ayaa sheegay in dagaaladii dhowaan ka dhacay magaalada Muqdisho ee caasimadda Somalia ay halis geliyeen nolosho dadka rayidka ah waxaana uu ugu baaqay dhammaan dhinacyada Soomaalida inay ku dadaal bixiyaan sidii aysan dagaaladaasi dib ugu soo noqon lahayn.

Dowladda KMG ah ee Somalia waa inay dedejisaa diyaarinta shirka dib u heshiisiinta qaran, ayuu yiri Abul Geit oo intaa ku daray in Masar iyo Midowga Yurub ay dalbanayaan in beesha caalamka ay shirkaasi marti geliso.