BREAKING NEWS Saraakiil ka tirsan waaxda la dagaalanka argag

[Hiiraan boy]

Saraakiil ka tirsan waaxda la dagaalanka argagixisada oo ku dhintay qaraxii maanta ka dhacay isgoyska KM4.
Posted to the Web May 12, 14:06


Muqdisho:-Saraakiil ka tirsan waaxda la dagaalanka argagixi sada ee DFKM ayaa ku geeriyooday qaraxii maanta ka dha cay isgoyska km4 ee magaalada Muqdisho kaasoo lala beegsaday kolonyo ay la socdeen ciidamada DFKM.

Gaari ay la socdeen saraakiishan ka tirsan waaxda la dagaalanka argagixisada ayaa waxaa ku qarxay miino lagu aasay wadada dhinaceeda taasoo sababtay in gabi ahaanba uu gubto gaariga oo haraadigiisa uu dhex ceegaago wadada.

Waxaa qaraxaasi ku geeriyooday ilaa 4 qof, laba ka mid ah waa saraakiil ka tirsan waaxda la dagaalanka argagixisada waxaana lagu kala magacaabaa Ibraahim Maxamed Eelaay iyo Maxamud Islaan Cabdulle, sidoo kale askari ka tirsan ciidanka DFKM iyo qof rayid ah, waxaana ku dhaawacmay tiro kale.

Ma jiro war rasmi ah oo ka soo baxay DFKM oo ku saabsan qaraxyadii maanta ka dhacay magaalada Muqdisho ee lala beegsaday saraakiisha ciidamada DFKM xilli ay ku sii kordhayaan Magaalada Muqdisho weerarada loo adeegsanyo miina.

Halgan.net
C/qaadir Osman
Muqdisho