Col. Barre Hiiraale oo wata gawaari dagaal oo gaaray deg. Ba

[Somali-Transporter]

http://www.shabelle.net/2007/May/n11592.htm

Wasiirkii G/dhigga ee xilka laga qaaday Col. Barre Hiiraale oo wata gaadiid dagaal oo fara badan ayaa gaaray degmada Baardheere ee gobolka Gedo, xilli khilaaf xoogan uu ka taagan yahay gacan ku heynta magaalada Kismaayo.

Xildhibaan Barre Hiiraale oo ay wehliyaan kolonyo gaadiidka dagaalka ah ayaa xalay abaarihii fiidnimo gaaray magaalada Baardheere ee gobolka Gedo, xilli dhowr maalin ka hor wareegto ka soo baxday xafiiska ra'isulwasaaraha lagaga qaaday xilkii wasiirka G/dhigga.

Imaanshaha Col. Barre Hiiraale ee degmada Baardheere oo aan horey loo sii shaacin ayaa waxaa soo baxaya warar kala duwan oo ku aadan ka soo bixitaankiisa Baydhabo, iyadoo wararka qaar ay tilmaamayaan in ay la xiriirto sida uu marnaba ugu qanacsaneyn qaabka madaxda dowladda ay u maareeyeen xaaladda dalka ka taagan iyo isbadalkii dhowaan xilka lagaga qaaday, waxaana warar kale ay tilmaamayaan in uu u yimid degmada Baardheere sidii uu kulamo iyo wadatashiyo ula yeelan lahaa odayaasha iyo waxgaradka.

Lama oga Col. Barre Hiiraale in uu u sii gudbi doono magaalada Kismaayo iyo in uu sii joogi doono degmada Baardheere, laakiin xiriir aanu la sameynayay Colonelka manoo suurto galin in aynu helno.

Socdaalka Col. Barre Hiiraale ee degmada Baardheere ayaa ku soo beegmaya xilli ciidamo isaga ku heyb ah ay gacanta ku hayaan magaalada Kismaayo, ka dib markii ay ka saareen magaaladaasi ciidamo ka soo jeeda Puntland.



Click here to find Shabelle news in english


Axmed Cumar Saalixi

Shabelle Media Network Gedo
E-mail us: info@shabelle.net