Madaxweynaha Jabuuti oo sheegay in xaaladda Soomaaliya aan l

[Hiiraan boy]

Madaxweynaha Jabuuti oo sheegay in xaaladda Soomaaliya aan lagu xalin karin hab milateri.

May-23-2007-HornAfrik, Mogadishu

Madaxweynaha dalka Jabuuti Ismaaciil Cumar Geelle ayaa ugu baaqay hogaamiyaasha dalalka ku jira ururka COMESA
ee ku shirsan magaalada Nayroobi ee dalka Kenya in ay xoogga saaraan sidii xal loogu heli lahaa dhibataada ka taagan dalka Soomaaliya .

Mr Geeelle uu qudbad ka jeediyay kulankaasi ayaa u sheegay dalalkaasi ku bohoobay suuqa wada jirka ee dalalka bariga iyo koonfurta qaarada africa in ay muhiim tahay in la bilaabo wadahadalo dhab ah iyo dhismaha dalka Soomaliya .

Madaxweynaha jabuuti Ismaaciil Cumar Geelle waxa uu sheegay in xaalada Soomaaliya iyo deganaasha yar ee ka jira iyo jiritaanka weerarada lagu qaado ciidamada Midowga Africa ay dalalka Comesa tusinayaan muhiimada ay leedahay hindisaha ah in la qabto wadahadalo si lo xoojiyo nabada Soomaaliya .

Mr Geelle waxa uu ku booriyay dhinacayada isku haya Soomaaliya in ay is xakameeyaan isla markaana wax waliba ay wadahadal ku dhameeyaan .

Hogaamiyaha Jabuuti waxa uu ku adkeeyay ururka Comesa in ay u istaagaan xalinta dhibaatada Soomaaliya si ay u soo roowdo u istaagida dhismaha dalkaasi iyo maalgilintiisaba .

Madaxweyne Geelle oo ka qeyb galayay kulanka ururkaasi uga socday Nayroobi ayaa ku baaqay qorshe deg deg ah in la qaado oo lagu tageerayo Soomaaliya si howsha siyaasadeed u guuleysato .

Waxa uuna shegay Geelle in arinta Soomaaliya aan lagu xalin karin qaab milateri .