BREAKING NEWS prep for war in afmadow xagar

[Hiiraan boy]

Kismaayo:Xiisado dagaal oo ka jira Degmooyinka Afmadow iyo Xagar ee Jubada hoose.
28. maj 2007


Kismaayo(AllPuntland)-Warar naga soo gaaraya Magaalada Kismaayo ayaa waxa ay sheegayaan in gobalka Jubada Hoose laga dareemaya xiisado dagaal ka dib hadalo saxaafada ay isku werdaarsadeen kooxaha khilaafka udhaxeeyo.

Degmooyinka Afmadow iyo Xagar ayaa waxaa lasheegayaa in ay ka jiraan hub urursi ay wadaan maleeshiyooyin beeleedyo kala duwan oo khilaaf xoogan udhaxeeyo.

Khilaafkan soo kala dhexgalay beelahan wada daga degmooyinka Afmadow iyo xagar waxaa lasheegay in uu salka ku hayo gaari ah nooca looyaqaano Cabdi bilaha oo ay isku hayaan lahaanshihiisa labada beelood.

Wada hadalo usocday beelahan ayaa waxa ay burbureen ka dib markii mid ka mid ah beelaha ay gaarigaasi ula ambabaxday degmada Afmadow taas oo sababtay in beesha kale ay hub urursi bilowdo.

Gaarigan ayaa wuxuu yahay kuwo ciidamada saartaan qoriga looyaqaano Silkaha waxaana gaarigan lagala wareegay kal hore ciidamadii maxkamadaha oo ay kala wareegeen ciidamada dawlada Soomaaliya,ka dibna wuxuu gacanta ugalay beel ka mid ah beelaha daga Jubada Hoose.

Waxgaradka gobalka Jubada hoose ayaa waxa ay haatan wadaan dadaalo ay ku doonayaan in ay ku joojiyaan gacan ka hadal dhexmara dhinacyada kala duwan.

Faarax C/qaadir Geylan
AllPuntland