2 TFG askar killed in kismaayo

[Hiiraan boy]

Labo ka mid ah ciidamada dowladda oo lagu dilay duleedka Kismaayo

Click here to find shabelle news in English

Kismaayo 15, June.07 ( Sh.M.Network) Labo ka mid ah ciidamada Millitariga dowladda KMG ah ee Somalia ayaa la sheegay in lagu dilay Tuulo ku taala gobolka J/hoose.

Labadan askari ayaa waxaa toogasho ku dilay maleeshiyooyin Isbaaro u taala tuulada Yoontooy ee W/magaalada Kismaayo, xilli ay ku soo jeedeen magaalada sida ay sheegeen dad Goobjoogayaal ah oo gaari la saarnaa labadani askari.

Maleeshiyooyinka Isbaarada u taalay ayaa waxa ay ku amreen Labadani askari in ay dhulka soo dagaan, isla markaana ay dhigaan qoryaha, waxaana markii dhulka ay soo dageen ay ku fureen tacshiirad.

Maleeshiyadaan ayaa waxaa la tilmaamay in kal hore laga saaray magaalada Kismaayo ka dib markii ay ka dhaceen dagaalo dhex maray ciidamo ka wada tirsan dowladda.

Labadani askari ee la dilay ayaa waxa ay ka mid ahaayeen ciidamada guutada 3aad ee dowladda ee haatan gacanta ku haya magaalada Kismaayo.

Saraakiisha ciidamada dowladda ee ku sugan magaalada Kismaayo ayaa waxa ay sheegeen in ay wadaan baaritaano ku aadan arinkaan, isla markaana ay soo qaban doonaan kooxaha ka dambeeya.


Click here to find shabelle news in English

Max'ed Axmed

Shabelle Media Network Somalia
E-mail us: info@shabelle.net