PRESIDENT DAAAHIR RAYAALE KAHIN WELL DONE

[The_Emperior5]

War Deg Deg Ah:- Madaxweyne Rayaale Iyo Wefti Uu Hogaaminayo Oo Saaka Barqadii U Jarmaaday Magaalo Madaxda Gobolka Saaxil Ee Berbera

--------------------------------------------------------------------------------



()
hadhwanaag 2007-06-25 (Hadhwanaagnews) Hargeysa (HWN) Madaxweynaha Somaliland Md. Daahir Rayaale Kaahin iyo Wefti uu hogaaminayo ayaa saaka barqadii u ambabaxay magaalo madaxda gobolka Saaxil ee Berbera, halkaas oo la sheegay in socdaalka Madaxweynaha ay ka dambeysay isaga oo dhagax dhigi doona Dhismaha Warshada Sibidhka Cusub, taas oo laga dhagax dhigayo agagaarka Warshadii hore ee Sibidhka.
Dhismahan Warshadan Cusub ee Sibidhka ayaa waxa hirgelin doona shirkad Jarmal ah oo weftiga Madaxweynaha ay ka mid yihiin Madax ka socota shirkadaasi. Ma jiraan warar rasmi ah oo xukuumadda Somaliland ka soo saartay safarka uu madaxweynuhu ku tagay magaalada Berbera in uu dhagax dhigistaa ku eekaan doono iyo inkale.
Arrintan dhagax dhigista Warshada Sibidhka ee Cusub ayaa dad badani waxay hoos ka xariiqeen in ay ka mid tahay olole siyaasadeed oo la xidhiidha dhaqdhaqaajinta mashaariic dhowr ah oo ay tan warshadu ka mid tahay, taas oo ah sida xukuumada Madaxweyne Rayaale looga bartay marka ay soo dhowaadaan ololaha doorashooyinku in ay talaabooyinkan oo kale qaadan.

Weriye. Mustafe-Janaale
Reporter Hadhwanaagnews.com/Hargeysa
E-mail, janaale94@yahoo.com