NAXDIN: UGAASKA BEESHA CAYR WELCOME XABASHI ASKAR

[Hiiraan boy]

GURI-CEEL: Ciidammo Ethiopian ah oo ku wajahan Degmada Guri-ceel ee Gobolka Galguduud iyadoo ay ku soo dhaweynayaan....
Posted to the Web Jun 26, 10:19

Guri-ceel (PP) – Wararka ka imaanaya Degmada Guri-ceel ee Gobolka Galguduud ayaa sheegaya in ciidammo Ethiopian ah oo fara badan ay ku fool leeyihiin degmadaas, waxaana la sheegay inay soo dhaweynayaan madaxda Beesha Deegaankaas.



Wararka ayaa waxay intaa ku darayaan in Ugaaska Beesha Cayr iyo xubno kale oo aad looga tixgeliyo beesha Cayr gudaheeda ay kaga hortagayaan ciidammadaan duleedka Degmada Guri-ceel, si ay ugu soo dhaweeyaan deegaanka ciidammada Ethiopian-ka ah.



Guddoomiyaha Degmada Guri-ceel oo la hadlay saxaafadda ayaa sheegay in ciiadmmada ay ka soo dhaqaaqeen goor dhaweyd Degmada Matabaan ee Gobolka Hiiraan, ayna ku wahajan yihiin Degmada Guri-ceel, balse wuxuu ka gaabsaday inuu ka hadlo sababta ay halkaas u tagayaan.



Inkastoo aan la garanayn sababta dhabta ah ee keentay in ciidammadaan ay u baqoolaan dhanka Degmada Guri-ceel oo ka tirsan Gobolka Galguduud, ayaa haddana waxaa jira warar sheegaya inay u tagayaan halkaas sidii ay hub baaris uga sameyn lahaayeen Degmooyin dhowr ah oo ku yaalla Gobolka Galguduud.



Ciidammada Ethiopian-ka ah ee ku fool leh degmada Guri-ceel ee Gobolka Galguduud ayaa ahaa kuwo ka tagay dhawaan Muqdisho, balse qarax loogu geystay deegaanka Halgan ee Gobolka Hiiraan, halkaasoo ay ku sugnaayeen dhowrkii casho ee la soo dhaafay.


Waxaa jiray warar hore oo soo baxayay oo sheegayay in saraakiil Ethiopian ah iyo cuqaasha beesha dagta Degmada Guri-ceel uu kulan ku dhex maray deegaanka Shillaabo ee Ismaamulka Soomaalida, kaasoo lagu go'aamiyay in hubka yaalla deegaanadooda lagu soo wareejiyo Ciidammada Ethiopia.

[Hyperactive]

lol the title, somalis ba malinba group bey Amharidi kala ghada neysa. Wa ummad halagan.