Beesha Warsangeli Daarood oo ku gacan seertay qeyb galka shi

[Hiiraan boy]

Beesha Warsangeli Daarood oo ku gacan seertay qeyb galka shirka dib u heshiisiinta qaran.



Galkacyo , Arbaco , June , 27 , 2007 Waagacusub.com


Beesha Warsangeli Daarood, ayaa qaadacday ka qeyb galka shirka dib u heshiisiinta qaran ee lagu wado in magaalada Muqdisho lagu qabto 15-ka bisha July ee soo socta.

Afhayeen u hadlay Beeshaasi, ayaa sheegay in Beesha aysan ku qanacsaneyn habka loo wado diyaarinta shirka, oo uu ku tilmaamay mid qaladan oo aan meel la isugu keeni karin dhammaan beelaha Soomaaliyeed.

Taasi waxa ay ka dambeysay buu yiri markii kullamo iyo wada tashiyo muddo socday oo beesha ee yeelatay taasi oo lagu go'aamiyay inaan shirka laga qeyb galin.

Go'aanka Beesha Warsangeli ayaa dhabar jab weyn ku noqonaya Dowladda KMG ah ee Somalia, oo dadaal xoogan ugu jirta sidii ay ugu guuleyssan lahayd in dhammaan Beelaha Soomaalida ay ka qeyb galaan shirka.

Dhinaca kale guddoomiyaha guddiga shirka dib u heshiisiinta Cali Mahdi Maxamed ayaa mar kale ku celiyay in shirka aan mar kale dib loo dhigi doonin uuna dhici doono waqtigii loogu tala galay ee ah 15-ka July.



Axmed Cali
alaxmed@gmail.com