'SOOMAALI BAAN AHAY' !!!!!!!!!!!!!!
Posted: Fri Jul 06, 2007 10:39 am
Sinnaantaan la magac ahay
Sankuneefle ma oggoli
Inuu iga sareyn karo
Anna garasho sogordahan
Sooryo ruux ugama dhigo
Soomaali baan ahay!
Inkastoon sabool ahay
Haddana waan sariigtaa
Sacabbada ma hoorsado
Saaxiib nimaan nahay
Cadowgayga lama simo
Soomaali baan ahay!
Nabaddaan u sahanshaa
Colaaddaan ka salalaa
Sooma jeesto goobaha
Ninka nabarka soo sida
Gacantiisa kama sugo
Soomaali baan ahay!
Nin I sigay ma nabad galo
Nin isugeyna maba jiro
Libta weli ma sii deyn
Gardarrada ma saacido
Nin xaq lehna cid lama simo
Soomaali baan ahay!
Ninkaan teydu soli karin
Uma yeelo suu rabo
Sida dunida qaarkeed
Sandulleynta ma oggoli
Ninna kabaha uma sido
Soomaali baan ahay!
Ninka iga sed roonoow
Siintaada magaca leh
Ogow kaama sugayee
Hana oran sasabo badow
Dareen seexda ma lihiyoo
Soomaali baan ahay!
Ninna madax salaaxiyo
Kama yeelo seetada
Sasabo ma qaayibo
Sirta waxaan iraahdaa
Saab aan biyaha celin
Soomaali baan ahay!
Dabayshaan la socod ahay
Salfudeydna uma kaco
Waabay sunaan tahay
Marna samawadaan ahay
Samir baan hagoogtaa
Soomaali baan ahay!
Saan la kala jaraan ahay
Summadi ay ku wada taal
Rag baa beri I saanyaday
Anoo xoolo soofsada
Xil midnimo anaa sida!
Soomaali baan ahay!
[Kuwa hoose gadaal ayaa looga daray.]
Ninkii aabahay dilay
Oo adeerkeey addima jaray
Albaabkeenna meyd dhigay
Miyaan aaminaayaa
Ibtilaan u barinee
Afartaan dhurwaayee
U adeegta xabashida [!!!!!!!!!!]
Allahayoow intaan jiro
Miyaan erey ka yeelaa
Ummaddii la laayiyo
Wixii iil la wada dhigay
Waa illoow ayaa yiri
Intuu inanba noolyahay
Eedeheey dhigeen baan
Soo ururin weynee
Ma ayaan dalxiis baa
Marba iibsigeygani
Soomaali baan ahay!
Sankuneefle ma oggoli
Inuu iga sareyn karo
Anna garasho sogordahan
Sooryo ruux ugama dhigo
Soomaali baan ahay!
Inkastoon sabool ahay
Haddana waan sariigtaa
Sacabbada ma hoorsado
Saaxiib nimaan nahay
Cadowgayga lama simo
Soomaali baan ahay!
Nabaddaan u sahanshaa
Colaaddaan ka salalaa
Sooma jeesto goobaha
Ninka nabarka soo sida
Gacantiisa kama sugo
Soomaali baan ahay!
Nin I sigay ma nabad galo
Nin isugeyna maba jiro
Libta weli ma sii deyn
Gardarrada ma saacido
Nin xaq lehna cid lama simo
Soomaali baan ahay!
Ninkaan teydu soli karin
Uma yeelo suu rabo
Sida dunida qaarkeed
Sandulleynta ma oggoli
Ninna kabaha uma sido
Soomaali baan ahay!
Ninka iga sed roonoow
Siintaada magaca leh
Ogow kaama sugayee
Hana oran sasabo badow
Dareen seexda ma lihiyoo
Soomaali baan ahay!
Ninna madax salaaxiyo
Kama yeelo seetada
Sasabo ma qaayibo
Sirta waxaan iraahdaa
Saab aan biyaha celin
Soomaali baan ahay!
Dabayshaan la socod ahay
Salfudeydna uma kaco
Waabay sunaan tahay
Marna samawadaan ahay
Samir baan hagoogtaa
Soomaali baan ahay!
Saan la kala jaraan ahay
Summadi ay ku wada taal
Rag baa beri I saanyaday
Anoo xoolo soofsada
Xil midnimo anaa sida!
Soomaali baan ahay!
[Kuwa hoose gadaal ayaa looga daray.]
Ninkii aabahay dilay
Oo adeerkeey addima jaray
Albaabkeenna meyd dhigay
Miyaan aaminaayaa
Ibtilaan u barinee
Afartaan dhurwaayee
U adeegta xabashida [!!!!!!!!!!]
Allahayoow intaan jiro
Miyaan erey ka yeelaa
Ummaddii la laayiyo
Wixii iil la wada dhigay
Waa illoow ayaa yiri
Intuu inanba noolyahay
Eedeheey dhigeen baan
Soo ururin weynee
Ma ayaan dalxiis baa
Marba iibsigeygani
Soomaali baan ahay!
